OK-2015. FINAL. Janubiy Koreya - Avstraliya. Prevyu

Avstraliya guruhda Quvayt (4:1) va Ummonni (4:0) mag'lub etdi, Janubiy Koreyaga (0:1) yutqazib qo'yib ikkinchi o'rinni egalladi. CHorak finalda mezbonlar Xitoy darvozasiga javobsiz ikkita gol urdi. Yarim finalda "sokkeruzlar" BAAni 2:0 hisobida taslim qilishdi.

Janubiy Koreya esa guruhda Ummon (1:0), Quvayt (1:0) va Avstraliyani (1:0) taslim qilib birinchi bo'lgandi. CHorak finalda koreyslar O'zbekiston termasini qo'shimcha vaqtlarda 2:0 hisobida mag'lub etishganini barcha biladi. Yarim finalda Uli SHtilike shogirdlari Iroqni ham 2:0 hisobida taslim qilishdi.

Avstraliya o'z tarixida uchinchi bor qita chempionati final bosqichida qatnashmoqda. Jamoaning musobaqadagi eng yaxshi natijasi 2011 yil qayd etilgan. Qatarda "sokkeruzlar" finalda ishtirok etishgandi.

Janubiy Koreya uchun bu yilgi musobaqa 9-Osiyo Kubogi hisoblanadi. Ushbu jamoa 1996 yil o'z uyida tashkil etgan qita chempionatida finalga qadar etib borgan.

Bu ikki jamoa o'zaro 26 marta to'qnash kelgan. 7 bor koreyslar, 9 bor Avstraliya 9 bor g'alabaga erishgan. 10 marta durang qayd etilgan.

Ushbu jamoalar Osiyo Kubogi doirasida ikki bor to'qnash kelishgan. 2011 yil guruh bosqichi doirasidagi bahsda 1:1 hisobi qayd etilgan. 2015 yil musobaqaning guruh bosqichida ham bu jamoalar yana to'qnash kelishgan. Bu safar koreyslar zafar quchishgan - 1:0.

Final
Janubiy Koreya - Avstraliya
31 yanvar 2015. Sidney. 14:00 (Toshkent vaqti)
Bosh hakam: Alirizo Fag'oni (Eron)
Qanot hakamlari: Rizo Suhandon (Eron), Muhammad Rizo Abdulfazli (Eron)
Zaxira hakami: Fahad Al Mirdasi (Saudiya Arabistoni)