OFK 60 yoshda. Osiyo yulduzlari - Ali Karimi

SHu munosabat bilan OFK rasmiy sayti qita futboli rivojiga o'z hissasini qo'shgan mashhur kishilar haqida turfa maqolalar chop etishni yo'lga qo'ydi. Bundan tashqari, yubiley munosabati bilan shu yilning noyabr oyida OFK katta tadbir o'tkazmoqchi va bir nechta yulduzlarni taqdirlash niyatida. Quyida Osiyo futboli ko'tarilishiga o'zining sezilarli darajada hissasini qo'shgan futbolchilardan biri Ali Karimi haqida hikoya qilinadi.

Eronlik Ali Karimining futbolchilik faoliyati ajoyib kechgan. U fors futbolidagi eng mashhur o'yinchilardan biri hisoblanadi. Karimi ham terma jamoa, ham klub miqyosida katta muvaffaqiyatlarga erishgan. Mutaxassislar uni Ali Dayi, Mehdi Mahdavikiya, Karim Bageri singari mashhurlar bilan bir qatorda tilga olishadi. Ali Karimi milliy terma jamoa safida 127 o'yinda ishtirok etib, 38ta gol urgan.

2004 yil bo'lib o'tgan Osiyo Kubogida Eron uchinchi o'rinni egallagandi. O'sha musobaqada Ali Karimi o'z o'yini va gollari bilan ishqibozlar olqishiga sazovor bo'lgan. 1998 yilgi Osiyo o'yinlaridagi chempionlikda ham Karimi o'zining munosib hissasini qo'shgan. Klub miqyosida esa “Piruzi” bilan ikki bor mamlakat chempionligini qo'lga kiritgan. Qolaversa, “Al Ahli” safida ikki bor BAA Kubogida zafar quchgan.

Malum muddat Germaniyada faoliyat olib borgan eronlik yarim himoyachi “Bavariya” safida mamlakat chempioni va Kubok sohibi bo'ldi. O'shanda fors ishqibozlari unga “Osiyo Maradonasi” degan laqabni berishgan. Ali Karimini bemalol Osiyoning eng mashhur futbolchilari safiga qo'sha olamiz. U mashhurlik bobida Xidetoshi Nakata, Mark Viduka, Park Ji Sung kabi futbolchilar bilan bir qatorda tilga olinadi.

X.Xoliqov tayyorladi.