Odil Ahmedov: "Golimni akamga bag'ishladim"

"Yangi jamoam o'yiniga tezda kirishib ketganimdan xursandman. Kechagi bahsda jamoamizning ikkinchi golini urdim va uni bugun tug'ilgan kunini nishonlayotgan akam, Yoqubjon Ahmedovga bag'ishladim. O'yinga keladigan bo'lsam, raqibdan bir kalla ustun ekanligimizni ko'rsata oldik. "Kalev"ga qarshi ikkinchi o'yinni asosiy tarkibda boshlamaganim sababi, murabbiyimiz biroz dam berishga qaror qilgandi. Futbolda hamma narsa bo'lishini inobatga olgan holda keyingi o'yinga ham jiddiy tayyorgarlik ko'rishimiz kerak, toki guruh bosqichiga chiqmagunimizga qadar", - deydi Ahmedov.

3 avgust kuni "Krasnodar" Rossiya premer ligasining birinchi turida "Lokomotiv" mehmoni bo'ladi. Bu o'yin haqida futbolchimiz qisqacha fikr bildirdi:
- "Lokomotiv" ancha shakillangan jamoa. Ularga qarshi o'ynash doim qiyin bo'lgan. Ammo biz ham yaxshi jamoamiz va chempionatni g'alaba bilan boshlashni maqsad qilganmiz.