OCHL. “Bunyodkor”da oltita o'yindan beri g'alaba yo'q

Natijada “Bunyodkor”ning uy uchrashuvlaridagi g'alabasiz seriyasi 6taga etdi. SHu paytgacha “Bunyodkor” o'z maydonida besh o'yindan beri g'alaba qozona olmay kelayotgandi va bu haqda kecha malumot bergandik.

Albatta, bunday ko'rsatkich oliy ligamizning amaldagi chempioni uchun yaxshi emas. “Bunyodkor” bir paytning o'zida ham O'zbekiston chempioni, ham Kubok va Superkubok egasi hisoblanadi. SHunday ekan, ko'pchilik bu jamoadan xalqaro uchrashuvlarda ham g'alaba kutadi. Statistika shuni ko'rsatyaptiki, “Bunyodkor” OCHL bahslarida oxirgi bor o'z maydonida 2012 yilning 3 oktyabrida g'alaba qozongan ekan. Musobaqaning chorak final bahsida Avstraliyaning “Adelaida Yunayted” klubi ustidan 3:2 hisobida. SHunda ham o'yinning asosiy vaqti 2:2 hisobida yakuniga etgan.

Ana o'shandan beri Mirjalol Qosimov shogirdlari OCHLdagi uy bellashuvlarida g'alaba nimaligini bilmay kelishyapti. Jamoa shundan beri o'z uyida “Ulsan Xyunday”, “Poxang Stilers”, “Beyjing Goan”, “Sanfrechche Xirosima”, “Buriram Yunayted” kabi klublarga qarshi maydonga tushdi. Kechagi o'yinda ham ushbu noxush anana davom etib, “Bunyodkor” kutilmaganda Qatar klubiga imkoniyatni boy berib qo'ydi.

“Bunyodkor”ning guruhdagi oxirgi g'alabasi 2012 yilning 16 mayida qayd etilgan. O'shanda jamoa Janubiy Koreyaning “Poxang Stilers” klubini 1:0 hisobida mag'lub etgan. Quyida “Bunyodkor”ning o'z maydonidagi oxirgi uchrashuvlarini keltirib o'tamiz.

16 may, 2012
“Bunyodkor” – “Poxang Stilers” – 1:0

3 oktyabr, 2012. “Bunyodkor” – “Adelaida Yunayted” – 3:2

24 oktyabr, 2012
“Bunyodkor” - “Ulsan Xyunday” – 1:3

13 mart, 2013
“Bunyodkor” – “Poxang Stilers” – 2:2

2 aprel, 2013
“Bunyodkor” – “Beyjing Goan” – 0:0

23 aprel, 2013
“Bunyodkor” – “Sanfrechche Xirosima” – 0:0

21 may, 2013
“Bunyodkor” – “Buriram Yunayted” – 0:0

11 mart, 2014
“Bunyodkor” – “Al Jaish” – 1:2
 

Xayrulla Xoliqov.