OCHL 2-turning eng chiroyli goli muallifi - Alaa Abbos
16 mar 2019 07:03
Yangiliklar

OCHL 2-turning eng chiroyli goli muallifi - Alaa Abbos

OFK sayti Osiyo chempionlar ligasi 2-turida kiritilgan eng chiroyli golni aniqlash uchun so'rov o'tkazdi.

Bunda to'rt nafar futbolchining raqib darvozasiga kiritgan goli davogarlik qildi. Davogarlar orasida "Paxtakor" hujumchisi Marat Bikmaevning "Al Ahli" darvozasiga urgan goli ham bor edi. Kecha so'rovnoma o'z yakuniga etdi va bunda "Al Zavra" futbolchi Alaa Abbos kiritgan to'p eng chiroyli gol deya etirof etildi.

Ikki kun ichida so'rovnomada jami 14,734 kishi ishtirok etgan. Alaa Abbosning goli 45 foiz ovoz to'plab birinchi o'rinni oldi. Unga 6675 muxlis ovoz bergan. Bikmaev esa bu borada uchinchi bo'ldi. U 3502 ovoz to'plab 24 foizli ko'rsatkich qayd etdi. Eslatib o'tamiz, OCHL 1-turdagi eng chiroyli gol muallifi deb "Lokomotiv" sardori Islom To'xtaxo'jaev topilgandi.