Nikimbaev Championat.asia saytining muxlisiga javob berdi

Alisher Nikimbaev: "Ermatov masuliyati va qiyinchiliklarini tasavvur qilyapman"

Ushbu fikrlar saytimizda elon qilingandan so'ng, mazkur xabar ostida "R. Marquez II" nikli muxlisimiz Nikimbaevga quyidagicha savol yo'llagan:

"Alisher aka. Agar siz fikrlarni o'qisangiz (siz ularni o'qiysiz), aytinchi, nega O'zbekiston kuz-bahor tizimiga o'tmaydi. OCHLdagi barcha raqiblarimiz qishda o'ynashadiku. Biz ham g'arb mintaqasida o'ynaymiz".

Alisher Nikimbaev ushbu foydalanuvchimizga shunday javob qaytargan:

"Bunga O'FA yoki PFL nomidan javob bera olmayman, chunki sakkiz yildan beri O'zbekiston futboli tizimida ishlamayman, shu sababli shaxsiy fikrimni bildiraman. O'zbekistonga kuz-bahor tizimiga o'tishdan foyda yo'q, chunki bizning iqlim sharoitimiz Yaqin SHarqnikidan farq qiladi. Bizda qish faslida futbol o'ynab bo'lmaydi. Biroq Yaqin SHarqda aynan shu oylarda futbol o'ynash uchun juda yaxshi ob-havo bo'ladi. Va aksincha, biz iyun va avgust oylarida futbol uchrashuvlarini o'tkaza olamiz, Yaqin SHarqda esa havo harorati yuqoriligi tufayli buning iloji yo'q.

Yana bir narsa. Tez orada OFK CHempionlar ligasi ham kuz-bahor tizimida o'tkazilishi mumkin. O'shanda O'zbekiston klublarida ustunlik bo'ladi, chunki turnir boshlanayotganda jamoalarimiz yaxshi formaga kirib olgan bo'ladi".