"Neftchi": O'rinbosarlarimiz mavsumni g'alaba bilan boshlashdi

Uchrashuvning birinchi bo'limi teng kurshalar ostida o'tdi. Avvaliga mezbonlar biroz ustunlik qilgan bo'lsa, taym oxiriga kelib tashabbus “Neftchi” futbolchilari tomoniga o'tdi. Tanaffusga Sergey Kovshov shogirdlari yaxshi kayfiyatda chiqib ketishlari mumkin edi. Lekin har safar omad farg'onalik yoshlardan yuz ugirdi. Bir holatda esa mezbonlar himoyachisi to'pni darvoza chizig'idan qaytarib qoldi.

Ikkinchi bo'lim ham xuddi birinchisi kabi teng kurashlar ostida boshlandi. Har ikki jamoa ketma ket xavfli vaziyatlarni yaratishdi.

62-daqiqaga kelib uchrashuvda hisob ochildi. Burchakdan oshirilgan to'pni Doston Tursunov boshi bilan raqib darvozasiga joylab qo'ydi – 0:1.

68-daqiqada mezbonlar tomonidan amalga oshirilgan jarima zarbasini Abdujalilov qiyinchilik bilan bartaraf etdi.

88 -daqiqada Nosir Otaqo'zievning zarbasi darvoza tusiniga tegib qaytdi.

Qolgan daqiqalarda har ikki jamoa gol kiritish uchun yaxshi vaziyatlarga ega bo'lishdi. Biroq shu kuni muxlislarga boshqa gol kurish nasib etmadi. O'rinbosarlarimiz mavsumni g'alaba bilan boshlashdi.

Yoshlar ligasi
1-tur

"Buxoro" - "Neftchi" 0:1
Gol: Doston Tursunov 62.
"Neftchi": Mavlon Abdujalilov, Maksimilian Fomin, Doston Tursunov, Igor Petkovich, Vyacheslav Ponamaryov (Nodir Komolov 63), Izzatbek G'aniev, Muzaffar Muzaffarov (Murod Bobojonov 74), Javohir Rasulov, Saydullo Rahmatov, Otabek Zokirov, Nosirbek Otaqo'ziev.