"Neftchi": Devid Oniya bilan xayrlashdik

 Joriy mavsum jamoamiz sharafini himoya qilishi lozim bo'lgan futbolchi kutilmaganda, chempionat boshida "Futbol-MED"da tibbiy ko'rikdan muvaffaqiyatli o'ta olmadi.

SHundan so'ng shifokorlarning tavsiyasiga ko'ra muolaja olgan nigeriyalik himoyachi ikkinchi davrada "Neftchi"ga yordam berishni maqsad qilgandi.

Biroq Devid Oniya yaqinda  "Futbol-MED"da yana tibbiy ko'rikdan o'ta olmadi va uning rasmiy o'yinlarda maydonga tushishiga ruhsat berilmadi.

Mavsumning ikkinchi qismida himoya chizig'ini aynan Oniya bilan kuchaytirishni rejalashtirgan murabbiylar shtabi endi bu chiziqqa boshqa futbolchini olishga majbur.

Yil boshida futbolchi va klub o'rtasida tuzilgan shartnoma endilikda o'zaro kelishuvga binoan bekor qilinadigan bo'ldi.

"Neftchi" futbol klubi esa Devid Oniyaning kelgusi faoliyatida omadlar tilaydi!