“Neftchi” birinchi yig'inni yakunladi

SHundan so'ng futbolchilarga qisqa muddatli dam berildi. Endilikda navbatdagi yig'in Toshkentda kechadi. Aniqrog'i 17 iyul kuni futbolchilar poytaxtda yig'iladi. Ertasi kuni tushlikka qadar “Futbol-MED”da ko'rikdan o'tiladi. Kechki payt sinov-nazorat uchrashuvida CHirchik shahrida “Metallurg”ga qarshi maydonga chiqiladi.

Mazkur poytaxt yig'ini jarayonida murabbiylar shtabi o'rtoqlik o'yinlariga ham urg'u bergan xolda, futbolchilarning imkoniyatlarini yana bir bor ko'zdan kechiradi. SHu bois hozircha to'rtta sinov-nazorat uchrashuvi o'tkazish rejalashtirilgan. Unga ko'ra “Neftchi” 18iyul “Metallurg”, 21iyul “Mashal”, 24 iyul “Olmaliq” hamda 27 iyul kuni “SHo'rtan” kabi jamoalarga qarshi o'yin tashkil etadi.

Tarkibda hozircha jiddiy o'zgarishlar yo'q. Rahbariyat bugungi kunda jamoani kuchaytira oladigan bir qator futbolchilar bilan muzokara o'tkazmoqda. Ular aynan ushbu Toshkent yig'ini mobaynida tarkibga kelib qo'shiladi.