"Neftchi" – "Andijon" va "Bunyodkor" – "Nasaf" uchrashuvlarida penalti holatlari bo'lganmidi? 24-turdagi hakamlik tahlili

✅ "Xorazm" – "Navbahor"

Bizningcha, bu vaziyatda hakam penaltini to'g'ri belgiladi. "Navbahor" o'yinchisi jarima maydoni ichida boshi bilan to'pni himoyachidan oshirib o'tkazmoqchi bo'lganida, himoyachi ehtiyotsizlik bilan qo'pol xatoga yo'l qo'ydi. Oyoq va bosh o'rtasida to'qnashuv mavjud, ammo butsaning tishlari orqali zarba berilmagani uchun penalti belgilash va qoidabuzarga sariq kartochka ko'rsatish to'g'ri qaror hisoblanadi.

BAHSLI VAZIYAT VIDEOSI

✅ "Xorazm" – "Navbahor"

"Xorazm" jamoasi o'yinchisi qoidani jiddiy ravishda buzib, raqibining to'pig'idan yuqorisiga butsasining tishlari bilan tashlandi. U kichik sakrash bilan yakkama-yakka kurashga kirishdi, bu ham "bosish" elementi hisoblanadi. Bularning barchasi raqibga ataylab shikast etkazish niyati borligidan dalolat beradi. Hakam mezbon jamoa o'yinchisini maydondan chetlatib, to'g'ri qaror qabul qildi.

BAHSLI VAZIYAT VIDEOSI

✅ "Xorazm" – "Navbahor"

"Navbahor" darvozaboni o'z jarima maydoni ichida ehtiyotsizlik bilan harakat qilib, to'pga tegmasdan raqibni oyog'i bilan yiqitdi. To'g'ri qaror – intizomiy choralar qo'llamasdan penalti belgilash.

BAHSLI VAZIYAT VIDEOSI

✅ "Buxoro" – "Paxtakor"

Fikrimizcha, hakam penalti belgilamasdan to'g'ri qaror qabul qildi. Taqdim etilgan takrorlarda na qoqilish, na "bosib o'tish" holati ko'ringan. VAR vaziyatga noo'rin aralashgan. To'g'ri qaror – o'yinni davom ettirish.

BAHSLI VAZIYAT VIDEOSI

✅ "Buxoro" – "Paxtakor"

Nazarimizda, "Buxoro" jamoasi futbolchisi ehtiyotsiz qo'pollik sodir etdi. To'g'ri, u dastlab to'pga tegdi, biroq keyin ikkinchi oyog'i bilan raqibini yiqitdi. Yakkama-yakka kurashga kirishish uslubidan ko'rinib turibdiki, u raqibining xavfsizligini o'ylamayapti. To'g'ri qaror – jarima zarbasi belgilash va qo'pol o'yin uchun sariq kartochka ko'rsatish. "Paxtakor" jamoasi futbolchisi esa bunga javoban nosportcha xatti-harakat qildi va u ham ogohlantirilishi lozim.

BAHSLI VAZIYAT VIDEOSI

✅❌ "Neftchi" – "Andijon"

Podkatdan so'ng "Neftchi" o'yinchisi o'z ixtiyori bilan yiqildi, hech qanday to'qnashuv ko'rinmaydi. Hakam vaziyatni to'g'ri baholab, o'yinni davom ettirdi, biroq u simulyaciya uchun mezbon jamoa o'yinchisiga sariq kartochka ko'rsatishi lozim edi.

BAHSLI VAZIYAT VIDEOSI

❌ "Bunyodkor" – "Nasaf"

Bizningcha, bu epizodda hakam "Bunyodkor" foydasiga erkin zarba belgilashi va "Nasaf" o'yinchisiga simulyaciya uchun sariq kartochka ko'rsatishi lozim edi. Oyoqlarda to'qnashuv ko'rinmayapti, aksincha hakamni aldashga urinish kuzatilmoqda. Hakam penalti belgilash orqali xatoga yo'l qo'ydi.

BAHSLI VAZIYAT VIDEOSI

Shu tariqa, Superliganing 24-tur o'yinlarida hakamlar ikkita xatoga yo'l qo'ydi.