Nazorat uchrashuvi. Yaponiyalik yarim himoyachi o'ynagan bahsda "Qo'qon-1912" "Surxon"ni mag'lub etdi

Mazkur o'yinda Baxtiyor Ashurmatov shogirdlari 2:0 hisobida g'alaba qozonishdi. 

Bugun jamoa safida yaponiyalik yarim himoyachi Tatsuro Nagamatsu harakat qildi. Ushbu futbolchi o'tgan mavsumni Latviya superligasi vakili bo'lgan "Daugavpils" jamoasida o'tkazgan. 

Bellashuv kutilganidek, qo'qonlik futbolchilarning faolligi bilan boshlandi. 15-daqiqada Asadbek Sobirjonov  o'ng qanotdan yaxshi uzatmani amalga oshirgan edi. Raqib himoyachilari vaziyatni o'qiy olishdi. 

25-daqiqada Norbekov tezkorlik bilan qarshi hujumga o'tib ketgan edi. Uning so'nggi zarbasi biroz kuchsiz chiqdi. Tanaffusga jamoalar nursiz durang bilan chiqib ketishdi. 

Ikkinchi taym "Qo'qon-1912" uchun omadli boshlandi. 49-daqiqada burchak zarbasidan Xojimirzaevning uzatmasini Ivan Yosovich boshi bilan raqib darvozasiga joylab qo'ydi. 

Futbolchilarning o'yinda kiritilgan golni jamoa prezidenti Baxtiyor aka Tolipovga bag'ishlardilar. Klub Rahbari xonadonida quvonchli voqea ro'y berdi. Baxtiyor aka nabirali bo'ldilar.

Uchrashuvning so'nggi daqiqasida Anvar Xojimirzaev raqib darvozasiga kuchli zarba yo'llagan edi. Darvozabon qaytardi. Qaytgan to'pga birinchi  bo'lib etib borgan Jamshid Rahmatullaev esa bo'sh qolgan darvozani ishg'ol qildi. Rahmatullaev ikkinchi bo'limda zaxiradan maydonga tushgan edi. SHu tariqa, Toshkentdagi yig'in doirasida navbatdagi bahsda ham jamoa azolari g'alaba qozonishdi.

O'rtoqlik  o'yini

"Qo'qon-1912" - "Surxon"  2:0 (0:0)

Gollar: Ivan Yosovich(49), Jamshid Rahmatullaev (90)

"Qo'qon-1912": Xurshid Xo'jaev, Slavko Lukich, Bobur Akbarov, Ivan Yosovich, Avazxon Mamatxo'jaev, Muhmmadanas Hasanov, Farhod Bekmurodov, Tatsuro Nagamatsu, Asad Sobirjonov, Mo'min Meliev, SHohnazar Norbekov. 

Zaxira: Muzaffar Abdullaev, Eldor Adhamov, Yakuba Bamba, Ilhom Vahobov, Iqbol Malikjonov, Anvar Xojimirzaev, Sardor Azimov, Sardor Etovqo'ziev, Jamshid Rahmatullaev, Bekzod Xamidov.

"Surxon": Akrom Xodjaev, Vladimir Bubanya, Kamoliddin Ashurov, Behruz SHaydulov, Alisher Salimov, Asror G'ofurov, Jaxongir Axmadov, Zohir Pirimov, Islom Toshpulatov, Javoxir Esankulov, Jasur Xolto'raev.

Zaxira: Azamat Axmedov, Davron Merganov, SHaxzod Tairov, Muhammadali Nomozov, SHarofiddin SHobirov, Timur Mamatmurodov, Nizomjon Norov, Nuriddin Hasanov, O'ral CHoriev, Muhammad-ali Abduraxmonov

Foto: "Qo'qon-1912" matbuot xizmati