Nazorat uchrashuvi: “Metallurg” – “Dinamo” – 1:1

Qiziqarli va qarama-qarshi hujumlar ostida o'tgan o'yinda durang natija qayd etildi – 1:1.
 
Har ikkala jamoa uchrashuvning ilk daqiqalaridanoq maydon markazini egallash harakatida bo'ldi. To'pni nazorat qilish borasida ustunlik poytaxt viloyati vakillari tomonida bo'lsa-da, hisobni samarqandliklar ochishga erishishdi. Qarshi hujumlarning birini Aziz Ibragimov muvaffaqiyatli yakunladi.
 
Bekobodliklar ikkinchi taymda hisobni tenglashtirishdi. SHohnazar Norbekovning tezkor reydini dinamochilar himoyachisi o'yin qoidasini buzish bilan to'xtatdi. 11 metrlik nuqtadan jarima zarbasini Dilmurod Karimov bexato amalga oshir – 1:1. mazkur hisob o'yin oxirigacha o'zgarmay qoldi. “Metallurg” tarkibida “Bunyodkor”ning yoshlar jamoasidan chaqirilgan Zafar Safoev maydonga tushdi. O'z navbatida qisqa muddatli ko'rikda bo'lgan Aziz Murodov esa jamoa qarorgohini tark etdi. Mavsum boshlangunga qadar bekobodliklar oliy liga jamoalari bilan yana ikkita nazorat uchrashuvi o'tkazishni rejalashtirgan.
 
“Dinamo”ga qarshi “Metallurg” bosh murabbiyi Rustam Mirsodiqov quyidagi tarkibngi maydonga tushirdi: Zafar Safoev (Suhrob Sultonov), Mirg'iyos Sulaymonov, Hikmat Hoshimov, Javlon Mirabdullaev, Davron Karimqulov (Aleksandr Kovalev), Doniyor Odilov (Said Abdujabborov), Dilmurod Karimov, Alisher Ziyovuddinov (Mirto'ra Akbarov), Ruslan Vagapov (SHohnazar Norbekov), Sardor Rasulov, Zohid Abdullaev (SHahzodbek Nurmatov).