Navoiyliklar Marg'ilonda sovrindor bo'lishdi

Unda mezbonlardan tashqari, mamlakatimizning turli viloyat va shaharlaridan kelgan o'n ikkita jamoa g'oliblik uchun kurash olib bordi.

Quraga ko'ra, musobaqaning “A” guruhidan Marg'ilondagi 1-bolalar va o'smirlar sport maktabi, Uchko'prik, Buxoro hamda Guliston shaharlaridagi bolalar va o'smirlar futbol maktablari jamoalari o'zaro kuch sinashdi.

Qolgan guruhlar esa quyidagicha ko'rinish oldi: “V” guruhi. “Navbahor” BO'FM (Namangan), “Neftchi” BO'FM (Farg'ona), BO'FM-2 (Uchko'prik), “Internat” (Navoiy shahri). “S” guruhi. “Internat” (Andijon), BO'FM-3 (Uchko'prik), BO'FM (Marg'ilon) hamda “Paxtakor” (Qo'qon).  

Musobaqada navoiylik yosh futbolchilar muvaffaqiyatli qatnashdilar. Guruh bosqichida Obid Jumaev hamda Zafar Toshboev murabbiyligida “Internat” jamoasi dastlab “Navbahor” futbolchilariga kichik farq bilan (3:4) yutqazgan bo'lsa, so'ngra “Neftchi” vakillaridan 1:0 hisobida ustun kelishdi. Uchko'priklik tengqurlari bilan kechgan bahsda navoiyliklar 3:0 hisobida zafar quchib, “pley-off” bosqichiga yo'llanma oldi.

Yarim finalda BO'SM-1 (Marg'ilon) Andijonning “Internat” jamoasini engdi - 2:1. Final yo'llanmasi uchun kechgan ikkinchi bahsda navoiyliklar “Navbahor”ni kichik hisobda dog'da qoldirib, guruhdagi mag'lubiyat alamini olishdi - 1:0.

Hal qiluvchi uchrashuvda mezbonlar “Internat” (Navoiy) bilan ro'baro' keldi. Unda  yagona to'p BO'SM-1 jamoasiga g'alaba keltirdi - 1:0. SHunday qilib, Obid Jumaev shogirdlari Marg'ilon turniridan kumush medal bilan uyga qaytishdi.

Musobaqa yakunida g'olib va sovrindorlarga maxsus kubok, medallar hamda faxriy yorliqlar taqdim etildi. SHuningdek, turli nominaciyalar bo'yicha g'oliblar nomi elon qilindi. Navoiylik umidli futbolchi Elbek Saitov turnirning “Eng yaxshi hujumchisi” nominaciyasi bo'yicha maxsus sovrinni qo'lga kiritdi.