"Navbahor": Garvish ketdi, CHoy tibbiy ko'rikdan o'ta olmadi

2 martdan yana mashg'ulotlarga kirishgan futbolchilarimiz qayta tamirlashdan keyin foydalanishga topshirilgan klub qarorgohda istiqomat qilishmoqda. Futbolchilarimiz kuniga bir mahaldan shug'ullanishmoqda. Jamoaga taklif etilgan ukrainalik Gavrish murabbiylarga manzur bo'lmaganligi sababli javob berilgandi. Janubiy koreyalik CHoy esa tibbiy ko'rikdan o'ta olmadi. Futbolchi ikkinchi bor tibbiy ko'rikdan o'tadi, agar barchasi yaxshi bo'lsa u jamoada qoladi.

Ushbu futbolchilarning o'rnini to'ldirish maqsadida jamoaga Ukrainadan yarim himoyachi Vladislav Pavlenko taklif etildi. Ushbu futbolchi 3 mart kuni yurtimizga etib keldi. Bugun dastlabki mashg'ulotda qatnashadi. Klubimiz rasmiylari kecha PFLdan ro'yxatdan o'tish ishlarini yakunlashdi. Ro'yxatga Pavlenko ham kiritildi. Futbolchi tibbiy ko'rikdan muvaffaqiyatli o'tib, murabbiylarda ijobiy taasurot qoldirsa "Navbahor"da qoladi.

SHuningdek, yaqindagina safga qo'shilgan Aleksandr Korniychuk ham jamoamiz safida ro'yxatdan o'tkazildi. Dastlabki tibbiy ko'rikdan o'ta olmagan Sanjar Asqaralievga ham maydonga tushishga ruxsat berildi.

Muxlislarimizga yana bir yangilikni aytib o'tmoqchimiz. Jamoamiz azolari joriy yilgi mavsumda Jako firmasi liboslaridan foydalanishadi. Bugun jamoamiz azolari kiyadigan liboslar tayyor bo'ldi.

Bu yilgi mavsumda futbochilarimiz ko'k va sariq rangi futbolkalarda harakat qilishadi.

"Navbahor" klubi matbuot xizmati