"Nasaf": O'zbekiston Kubogida chorak finalga chiqdik

Uchrashuvning 1-bo'limi ancha qizg'in ruhda boshlandi. “Ajdarlar” bo'lim boshidanoq raqib darvozasi yonida ko'plab xavfli vaziyatlar yarata boshladi. 20 - daqiqada mehmonlar himoyachisi Oybek Bozorovga nisbatan o'z jarima maydonchasi yonida o'yin qoidasini buzdi. Jarima zarbasini amalga oshirish uchun Azizjon G'aniev to'p yoniga keldi va o'ziga ishonib topshirilgan vazifani G'aniev qoyilmaqom tarzda amalga oshirdi – 1:0.

2-bo'limni “nasafchilar” ancha xotirjamlik bilan boshlashdi. Ketma-ket hujumlar tashkil qilib raqib jarima maydonchasida xavfli vaziyatlar yaratishdi. Qilingan mehnatlar o'z natijasini ko'p ham kuttirib qo'ymadi 50-daqiqada "Nasaf" futbolchilari tomonidan yana bir hujum tashkil qilindi. Bu hujumni Humoyun Murtozaev gol bilan yakunladi – 2:0. SHundan so'ng o'yin surati biroz pasaydi. 73 – daqiqada qarshiliklar yana bir standartga ega bo'lishdi. SHarof Muhitdinovning zarbasini raqib darvozaboni bartaraf etdi. Biroq to'pga yaqin bo'lgan Humoyun Murtozaev darvozabondan qaytga to'pni darvoza to'riga joylab qo'ydi – 3:0. SHu tariqa “Nasaf” O'zbekiston Kubogining ¼ finaliga yo'llanmani qo'lga kiritdi.

04.08.2019. 20:00.
O'zbekiston Kubogi. 1/8 Final. 3748 tomoshabin.
“Nasaf” – “Andijon” 3:0
Hakamlar: Rustam Lutfullin, T. Galeev, A. Sidorov, R. CHoriev
Nazoratchi: Bobur Xaydarov
Komissar: SHerzod Rajabov
Gollar: Azizjon G'aniev (20'), Humoyun Murtozaev (50', 73')

"Nasaf": 35. Abduvoxid Nematov, 5 G'olib G'aybullaev, 6. Azizjon G'aniev, 8. Dilshod Saitov (17. Doniyor Narzullaev, 79'), 9. Humoyun Murtozaev, 14. SHarof Muhitdinov, 19. Sardor Abduraimov (4. Xusniddin Aliqulov, 79'), 27. Islom Rashidxonov, 34. SHerzod Nasrullaev, 77. Oybek Bozorov (10. Bobir Abdixoliqov, 70'), 92. Umarbek Eshmurodov (S)
Zaxira: 21. Mashxurjon Muhammadjonov, 2. Sardor Sadullaev, 15. Jo'rabek Mannonov, 22. Akmal Mozgovoy, 28 Xurshidbek Muxtorov, 30. Xudoyorxon Sag'dullaev.
Bosh murabbiy: Ro'ziqul Berdiev

"Andijon": 77. Myrni Vitalii, 5. Xasanov Robbimjon (17. Olimov Abdullox, 68'), 8. Bekmuratov Farxodbek (28. Qosimov Baxtiyorjon, 46'), 10. Ubaydullaev SHaxzodbek (7 . Qilichev Oybek, 59), 21. Mamatkazin Ildar (S), 23 . Abdulxaqov Abduraxmon, 24. Ismailov Doniyor, 26. Aleksic Radosav , 29. Isoqov Davronbek, 34. Avilov Xushnudbek
88. Xosinov Abror.
Zaxira: 32. Qilichev Javoxir, 2. Kimsanov Jalil, 19. Azimov Sardobek, 27. Ismonaliev Usmonali, 33. Abdumannopov Doniyor.
Bosh murabbiy: Aleksandr Xomyakov

Ogohlantirish: Abduraxmon Abdulxaqov (54')