“Nasaf” –“Dinamo” (Tbilisi) uchrashuvida bir daqiqalik sukut saqlandi

Uchrashuvdan oldin har ikkala jamoa azolari viloyat futboli fidoyisi, Qashqadaryo viloyatining sobiq hokimi, marhum Nuriddin Zayniev xotirasi uchun bir daqiqalik sukut saqlashdi.

Bevosita uchrashuvga to'xtaladigan bo'lsak, shu kuni jamoamiz yig'in davomidagi eng kuchli raqibga qarshi maydonga chiqdi. Garchi futbolchilarimizda hisobni ochish uchun qulay imkoniyatlar bo'lgan bo'lsada, o'yinning so'nggi daqiqalarida “dinamo”chilar to'p kiritib, g'alabani o'zlari tomonga og'dirib olishdi.

Tarkibidagi o'zgarishlarga to'xtaladigan bo'lsak, jamoamizda ko'rikda bo'lib turgan ukrainalik Sergey SHapoval klub lagerini tark etdi. Ayni paytda sloveniyalik himoyachi Roy Rok jamoamiz tarkibida ko'rikda o'tmoqda va u kechagi o'yinda ilk marta “Nasaf” libosida maydonga chiqdi.

Takidlash joizki, qarshilik futbolchilari 22 yanvardan buyon Antaliyada o'quv-yig'in mashg'ulotlari o'tkazish bilan birga to'rtta nazorat uchrashuvini o'tkazishdi. Ikki uchrashuvda g'alaba futbolchilarimiz tomonidan bo'lgan bo'lsa, ikki o'yinda kichik hisobda imkoniyat boy berildi.