MYU moliyaviy barqarorligi uchun yuzlab xodimlarni bo'shatgan klub endi chiptalar narxini oshirmoqda

Angliya klubi 2025/26 yilgi mavsumdan boshlab uy o'yinlari uchun mavsumiy abonement narxlarini taxminan besh foizga – o'rtacha har bir o'yinga 2,50 funtga oshirishini malum qildi.

Shunga qaramay, klub 16 yoshdan kichik muxlislar uchun narxlarni muzlatib qo'ydi, "bu esa klubning "Old Trafford"ga kelgusi avlod muxlislari uchun kirish imkoniyatini saqlab qolishga bo'lgan intilishini aks ettiradi".

"Boshqa toifalar uchun narxlarni oshirish muxlislar uchun chiptalarni xarid qilish imkoniyatini saqlash va klubning moliyaviy barqarorligini taminlash o'rtasida muvozanatni taminlashga qaratilgan", – deyiladi bayonotda.

"Qatorasiga 11 yil davomida o'zgarmagan narxlardan so'ng, oxirgi ikki mavsumda narxlarni besh foizga oshirdik va operacion xarajatlarning uzluksiz o'sishini qoplash uchun bu ishni kelgusi mavsumda ham amalga oshirishni rejalashtirmoqdamiz.

Inflyaciyani hisobga olgan holda, narxlar o'n yil oldingiga nisbatan ancha past va Angliyaning shimoliy g'arbidagi o'xshash klublar bilan bir xil darajada qolmoqda.

Biz narxlarning har qanday oshishi noxushligini tushunamiz, ayniqsa jamoa yuqori natijalar ko'rsatmayotgan davrda. Shuning uchun narxlarni muzlatib qo'yish taklif qilingan dalillarni diqqat bilan eshitdik.

Biroq, xarajatlar o'sib borayotgan va klub moliyaviy muammolarga duch kelayotgan bir paytda narxlarning avvalgi darajada saqlanib qolishi to'g'ri bo'lmas edi, deb hisoblaymiz.

Biz eng yosh mavsumiy abonement egalariga har qanday narx oshirishdan himoya qildik, shu bilan birga klubga jamoani yaxshilash uchun etarli moliyaviy zahirani taminladik", – dedi "Manchester Yunayted"ning ijroiy direktori Omar Berrada.

Oldinroq, MYU rahbariyati klubning moliyaviy barqarorligini saqlab qolish uchun bir necha yuz xodimlarni ishdan bo'shatgan edi.