Muxlislar norozi bo'lishi aniq: APL uzoq yillik ananasini buzishga tayyorlanmoqda

26 dekabrdagi "Boxing Day" deb nomlangan bayram odatdagidek o'tmasligi mumkin.

"Daily Mail"ning yozishicha, UEFA evrokuboklarining kengayishi va Angliya Kubogi o'yinlarining faqat dam olish kunlari uchun qayta rejalashtirilishi tufayli taqvim o'ta zich bo'lib qolgan. Bu holatda Liga 26 dekabrda to'liq o'yin kuni ananasini qayta ko'rib chiqishga majbur.

Bu yil bu kun juma kuni bo'lib, APL o'z majburiyatlariga ko'ra, teleradiokompaniyalarga 33 ta o'yin kunini taqdim etishi kerak, o'yinlar shanba va yakshanba kunlari bo'lib o'tadi. Shuning uchun "Boxing Day" mavsumning odatiy juma kuni sifatida qabul qilinadi, faqat bitta o'yin namoyish etiladi.