Murod Ismoilov: “Nasaf” haqli g'alabaga erishdi

-O'yin nihoyatda shiddatli chiroyli kechdi. O'yingohga kelgan muxlislar bahsdan zavq olishdi, deb o'ylayman. O'yinga to'xtaladigan bo'lsam, teng kurashlar ostida kechayotgan bir paytda to'p kutilmaganda himoyachimizni qo'liga tegdi va hakam haqli penalti belgiladi. Bu futbolchilarimizni ruhiyatiga biroz tasir qildi. SHunga qaramay ikkinchi bo'limni o'z nazoratimizga olib, to'p kiritish uchun harakat qila boshladik. Ammo ikkinchi 11-metrlik zarba bizga katta zarba bo'ldi. “Nasaf” hozirgi kunda chempionatimizda yorqin o'yin namoyish etayotgan jamoalardan biri. Ro'ziqul Berdiev bilan birga taxsil olganmiz, birga to'p tepganmiz. U Qarshida ajoyib jamoani shakllantira olganidan xursandman. O'tgan yili eslaringda bo'lsa aynan Qarshida 2:0 hisobida g'alaba qozongan edik. Endi esa buning aksi bo'ldi. Natijani hisobga olmaganda shogirdlarimning harakatlaridan qoniqdim. O'tgan yilgi “Nasaf” bilan bu yilgisining farqi? Jamoada bu yil shiddat boshqacha. Gevorkyan va Yunusov jamoaning haqiqiy liderlariga aylanishgan.

-O'zbekiston kubogi finalining doimo poytaxtda o'tishiga qanday qaraysiz?
-Bu menimcha reglamentda mavsum oldidan belgilab qo'yiladi. SHu bois bu taklifni rahbarlar yil boshida ko'rib chiqishlari mumkin. Endi buni o'zgartirish qiyin masala.

-“Paxtakor” Osiyo chempionlar ligasi musobaqasida har yili ishtirok etadigan yagona jamoa hisoblanadi. Bugungi mag'lubiyatdan keyin jamoaning yangi mavsumda OCHLda qatnashisha katta so'roq ostida qoldi. Sababi chempionatda ham shogirdlaringiz aynan “Nasaf”dan 10 ochokoga ortda qolishmoqda. Nima deb o'ylaysiz vaziyatni o'nglash imkoni bormi?
-Bu nihoyatda qiyin masala hozirgi kunda. Qolaversa bugungi mag'lubiyatdan keyin yigitlarimizning holatini tiklash ham qiyin kechadi. Aynan shu yilga kelib meninng qo'l ostimda jamoa kubokdan ham, chempionlikdan ham mahrum bo'lganidan afsusdaman.