Muhammadanas Hasanov: "Lokomotiv"ning maqsadi – mavsumni kuchli uchlikda yakunlash"
22 jan 2022 19:19
Yangiliklar

Muhammadanas Hasanov: "Lokomotiv"ning maqsadi – mavsumni kuchli uchlikda yakunlash"

Teglar : "Qo'qon-1912" "Lokomotiv"Muhammadanas Hasanov

"Lokomotiv" hamda "Qo'qon-1912" o'rtasidagi o'rtoqlik o'yinidan keyin (2:1) "temiryo'lchilar" yangi azosi o'z fikrlari bilan o'rtoqlashdi.

- Muhammadanas, avvalambor, tug'ilgan kuningiz bilan tabriklaymiz!

- Assalomu alaykum. Mana shunday etibor uchun kattakon rahmat!

- Sobiq jamoangizga qarshi o'yin haqida fikringiz?

- Odatda sobiq jamoangizga qarshi o'ynash har doim qiyin bo'ladi, chunki murabbiylar va rahbariyat qarshisida boshqacha kechadi. Ayni vaqtda “Lokomotiv” bilan yangi mavsumga astoydil tayyorgarlik ko'rmoqdamiz. Denis Korostichenkoni bergan ko'rsatmalarini o'yinda to'liq bajarishga harakat qilmoqdamiz.

- “Lokomotiv” bilan yangi mavsumda qanday maqsadlarni qo'ygansiz?

- Maqsadlarimiz katta. Yani, mavsumni kuchli uchlikda yakunlash. Bunga erishish uchun qo'ldan kelgancha harakat qilamiz.

- Yangi jamoaga moslashib ketish jarayoni qanday bo'lmoqda?

- Bu borada klub rahbariyati va murabbiylar shtabidan minnatdorman. Ular qo'llaridan kelgancha yordam berishmoqda. Jamoadoshlarim bilan munosabatlarim alo darajada, muammo kuzatilgani yo'q.

SHu o'rinda, “Qo'qon-1912” jamoasi rahbariyati va murabbiylar shtabiga rahmat aytaman. "Lokomotiv"ga o'tishimni to'g'ri tushunishdi va ruxsat berishdi. Bu klub doimo qalbimda qoladi.

Havola :

Manba : championat.asia

Yangiliklarni Telegramda o'qing!

Reyting: +5