Muhammadali G'iyosov: "Neftchi" faoliyatimda yangi chaqiruv bo'ldi"

Farg'onaliklar bir qator legionerlarni jalb qilish qatorida mahalliy yigitlarga ham etibor qaratyapti. So'nggi mavsumlarni "Qizilqum"da o'tkazgan Muhammadali G'iyosov endi "Neftchi" sharafini himoya qiladi. Uning yangi jamoasi haqidagi fikrlari qanday bo'ldi?

"Neftchi"da zo'r tarkib yig'ilmoqda. Albatta bu erda o'zimda ham kuchli xohish bo'lganini aytishim mumkin. CHempionlik uchun kurashadigan jamoaga o'tish faoliyatimda yangi chaqiruv deya olaman. Jamoaga yordam berishni istayman. Nasib qilsa, yangi mavsumda tarix yaratgan holda chempionlikni qo'lga kiritamiz. Bu jamoa katta yangilik bo'la oladi. 2025 yilda terma jamoadan chaqiruv olishni maqsad qilganman. "Qizilqum"da Islom Kenjaboev, Akaki SHulaya bilan yaxshi tandem qildik. Ulardan ko'p narsani o'rgandim. "Neftchi"ga moslashib ketish qiyin bo'lmasligiga ishonchim komil.

Ortda qolgan mavsumga kelsak, ko'p xulosalar chiqardim. Xabaringiz bor, mavsum boshida jarohat sabab ko'p vaqt yo'qotdim. Bu omil o'zimni to'liq ko'rsatishimga tasir qildi. SHunga qaramay murabbiyimiz Jamshid Saidov ko'p imkoniyat berdilar. Tajriba shu orqali keladi deb o'ylayman",- deydi Muhammadali G'iyosov.