Mourino: "Mxitaryan mavsumni yaxshi boshladi, keyin yo'qolib qoldi"

"Menga Mxitaryanning so'nggi uchrashuvlardagi o'yini yoqmadi. Gap ikki yoki uch o'yin haqida emas, uch, to'rt yoki beshtasi borasida ketmoqda. U mavsumni yaxshi boshladi, keyin asta-sekin yo'qola boshladi. Gollar, assistentlar, yuqori pressing, to'pni raqib maydonida olib qo'yish va 10-raqamli futbolchi jamoaga keltiradigan foyda jihatidan uning o'yin darajasi pasayib bordi. Bu harakatlar, boshqa futbolchilarga imkoniyat berish uchun etarli bo'ldi. Har bir futbolchi imkoniyatga munosib" - deydi Mourino.

Mxitaryan joriy mavsum Angliya chempionati va CHempionlar ligasida 15ta uchrashuvda maydonga tushib, 2ta gol urdi va 5ta golli pas berdi.