Monakoda xayriya futbol shou uchrashuvi bo'lib o'tdi (FOTO)
22 may 2014 08:08
Yangiliklar

Monakoda xayriya futbol shou uchrashuvi bo'lib o'tdi (FOTO)

Rossiyalik “Formula-1” poygachisi Daniil Kvyat ham Monakoda bo'lib o'tgan futbol xayriya uchrashuvida gol urdi.

U poygachilar va yulduzlar jamoasi o'rtasidagi o'yinda maydonga tushdi.

Mazkur o'yindan tushgan mablag' Mixael SHumaxer jamg'armasiga o'tkaziladi. Malumki, etti karra “Formula-1” chempioni shu yilning dekabr oyidan beri koma holatida yotibdi.

SHu paytgacha o'tkazib kelingan bu kabi futbol uchrashuvlarida aynan SHumaxer poygachilar jamoasiga sardorlik qilib kelgan. Bu safar Nazionale Piloti jamoasining sardori Fernando Alonso bo'ldi.

Gran-pri oldidan bo'lib o'tgan shou-xayriya uchrashuvida yulduzlar jamoasi 3:2 hisobida poygachilarni mag'lubiyatga uchratdi.

Felipe Massa va Sebastyan Fettel Kvyatning jamoadoshlari sifatida harakat qilishdi. Sardor bo'lib Fernando Alonso ko'rinish berdi.

Yulduzlar jamoasi tarkibida Monako qiroli Albert II, tennischi Novak Jokovich, sobiq futbolchilar Pavel Nedved, Marko Simone, Sonni Andersen va boshqalar to'p tepishdi.

Havola :

Manba : olamsport.com

Yangiliklarni Telegramda o'qing!

Reyting: