Mohd Hayrul: "Qolgan o'yinlarda har bir ochko biz uchun suv va havodak zarur"

- Bugungi o'yinda raqib darvozasiga birinchi gol urdinglar. Keyin esa o'z darvozangizdan 2 ta to'p o'tkazib yubordinglar. Mag'lubiyatga uchrashinglarga nima sabab bo'ldi deb o'ylaysiz?
- To'g'ri takidlab o'tdingiz. Uchrashuvda birinchi bo'lib biz hisobnni ochgandik ammo yakunda ikkita to'p o'tkazib yubordik. Bir qancha vaziyatlardan unumli foydalana ololmadik. Menimcha ushbu uchrashuvda bizga biroz omad etishmadi deb o'ylayman.

- Avstraliya terma jamoasi haqida qanday fikr bildirasiz?
- Avstraliya terma jamoasi bilan 5 marotaba to'qnash kelganmiz. Bitta uchrauvda durrang natija qayd etganmiz, qolgan 4 ta uchrashuvda mag'lubiyatga uchraganmiz. Avstraliya juda kuchli jamoa. Ko'rgan bo'lsangiz zaxiradagi futzalchilar o'yin davomida bir biri bilan almashganda ularning o'yin uslubida o'zgarish sezmadim. Bugungi uchrashuvda ular o'z kuchini ko'rsatishdi va bizni mag'lub etishdi.

- Keyingi uchrashuvlar haqida qanday fikr bildirasiz?
- Bugungi o'yindan kelib chiqadigan bo'lsak bizni oldinda ikkita o'ta muhim bahs kutib turipti. Albatta bu uchrashuvlar biz uchun oson bo'lmaydi. 2 – turni Yaponiya terma jamoasiga qarshi o'tkazamiz. Ushbu terma jamoani barchangiz yaxshi bilasiz. Menimcha qolgan uchrashuvlarda xar bir ochkolar biz uchun suv va xavodek zarur.   
 

Jahongir Sotvoldiev suxbatlashdi.