Mirjalol Qosimov: "Neftchi"dagi farq? Kecha nima ovqat edingiz deb so'rang oldin"
31 mar 2023 22:46
Yangiliklar

Mirjalol Qosimov: "Neftchi"dagi farq? Kecha nima ovqat edingiz deb so'rang oldin"

Coca Cola Superliga 4-turidan o'rin olgan “Neftchi” – OKMK (2:2) uchrashuvidan keyingi matbuot anjumanida mehmonlar bosh murabbiyi Mirjalol Qosimov o'z fikrlarini bildirib o'tdi.

- O'yin yomon bo'lmadi. Bu erga yaxshi niyatda kelgandik. O'z navbatida "Neftchi" ham uch ochko uchun tushgandi. Durang ikkala jamoani ham qanoatlantirmadi deb o'ylayman. Bir xil xatolarga yo'l qo'ydik. Gol urganimizdan keyin hisobni ushlash uchun o'ynagandek ko'rindik. Bu o'yinni qayta ko'rib chiqish kerak. "Neftchi" ham hisobni tenglashtirgandan keyin hisobni ushlashga o'ynagandek tuyuldi. Mayli bir ochko oldik. Futbol shunisi bilan qiziq. Navbatdagi o'yinga tayyorgarlik ko'ramiz. Har bir o'yin jiddiy. Imkoniyatlardan foydalanish kerak edi. Aytib kelganman darvozabonlar qutqarmasa qiyin bo'ladi.

- Bugun AGMK bir ochkoga ega bo'ldimi yoki ikki ochko yo'qotdimi?

- Yaxshi niyatda kelgandik. Demak, ikki ochko yo'qotdik.

- O'tgan yilgi "Neftchi" bilan bu yilgi "Neftchi"ning farqi bormi?

- Ukam, kecha nima ovqat edingiz deb so'ragin (kuladi). Boshqa sxemada ham o'ynab turish kerak. Uch nafar markaziy himoyachi, umumiy besh himoyachi bilan yutqazish qiyin. Bu safar durang bo'lib qoldi.

Havola :

Manba : championat.asia

Yangiliklarni Telegramda o'qing!

Reyting: +14