Mini-futbol: Ettita yosh toifasidagi guruhlarda Respublika birinchiligi bo'lib o'tdi

Respublikaning barcha hududlaridagi Maxsus futbol maktab-internatlari, Olimpiya zaxiralari kolleji, Bolalar va o'smirlar futbol maktablari, Ixtisoslashgan bolalar va o'smirlar sport maktablari hamda Bolalar va o'smirlar sport maktablarining futbol tarbiyalanuvchilari o'rtasida tashkil etilayotgan musobaqaning dastlabki bosqichi juda qiziqarli ruhda o'tdi. O'zaro bahslarda g'olib chiqqan guruhlar musobaqaning keyingi bosqichiga yo'l olishdi.

Musobaqani tashkil etishdan ko'zlangan maqsad mamlakatning barcha hududlarida bolalar  va o'smirlar o'rtasida mini-futbolni yanada rivojlantirish va ommalashtirish, yosh futbolchilarning mahoratini oshirish, O'zbekiston o'smirlar terma jamoasiga iqtidorli yoshlarni jalb qilishdan iborat.