Milliy terma jamoa dekabrda Iroq bilan o'ynaydi

O'FF Terma jamoalar markazi bergan malumotga ko'ra, ikkala tomon bu borada o'zaro kelishuvga erishgan va uchrashuv 28 dekabr kuni BAAning Dubay shahrida o'tkazilishiga kelishib olingan.

Eslatib o'tamiz, OK-2015 final bosqichiga tayyorgarlik ko'rayotgan Mirjalol Qosimov boshchiligidagi O'zbekiston milliy terma jamoasi avgust, sentyabr va oktyabr oylarida ham bir nechta xalqaro o'rtoqlik uchrashuvlarida maydonga tushishi rejalashtirilgan.

Jumladan, 20 avgust kuni milliy terma jamoa Bokuda Ozarbayjon milliy terma jamoasiga qarshi o'rtoqlik o'yinida maydonga tushsa, sentyabr oyida Toshkentda ikkita uchrashuv o'tkazilishi rejalashtirilgan. Unga ko'ra, 3 sentyabr kuni Iordaniya, 8 sentyabr kuni esa Yangi Zelandiya terma jamoasi Toshkentda mehmon bo'ladi.

SHuningdek, Mirjalol Qosimov bosh murabbiyligidagi milliy terma jamoa 6 oktyabr kuni Doxada Qatar terma jamoasiga qarshi maydonga tushadi.

Oktyabr oyidagi yana ikkita uchrashuv 10 va 14 oktyabr kunlari Bahrayn va BAA terma jamoalariga qarshi o'tkaziladi. Mazkur ikki uchrashuv ham BAAning Dubay shahrida bo'lib o'tadi.