Milik kelajagi borasida bir qarorga keldi

Rimning “Roma” klubi “Napoli”ga Arkadiush Milik uchun 20 mln evro va jamoa vingeri Jengiz Underni taklif qilgan. Biroq Milikning o'zi bu transferga qarshi. Futbolchi Turinning “Yuventus”idan faol harakatlarni kutmoqda. “Napoli” hujumchisi uchun 50 mln evro talab qilmoqda. Neapolliklar Milikni hozir sota olmasa, u 2021 yil yozida erkin agent sifatida klubni tark etishi mumkin.

“Yuventus”ning yangi bosh murabbiyi Andrea Pirlo ham Milik transferiga qarshi emas. Hamma gap “Napol” talab qilayotgan mablag' miqdorida. “Yuventus” bu borada narxni kamaytirish uchun boshqa variantlarni izlayotgani aytilmoqda.