Mareska "Bavariya" bilan o'yindagi hakamlikni tanqid qildi

Uchrashuv 1:3 hisobida myunxenliklar foydasiga yakunlandi. Bosh hakam — ispaniyalik Xose Sanches Martines edi.

"Jonatan Taga qizil kartochka ko'rsatilishi kerak edi. Men har doim aytaman: agar futbolchi to'p uchun kurashmay, balki raqibga qasddan zarba bersa, bu — maydondan chetlatish uchun asos. Hakam nega qizil ko'rsatmadi? Uning aytishicha, bu fol etarlicha qattiq va tajovuzkor ko'rinmagan. Hakam fikricha, qizil uchun ko'zga ko'rinadigan tasir — qon yoki shunga o'xshash holat bo'lishi kerak. Ammo bunda qasd bo'lgani uchun — men uchun bu aniq qizil", — deya Mareskaning so'zlarini keltiradi BBC.