“Metallurg” nazorat uchrashuvida “Bunyodkor”ni mag'lubiyatga uchratdi

“Bunyodkor” akademiyasi maydonida kechgan uchrashuv taqdirini Murodjon Toshmatov tomonidan kiritilgan yagona gol hal etdi.

Uchrashuv jamoalarning qarama qarshi hujumlari ostida o'tdi. Hududiy ustunlik mezbonlar tomonida bo'ldi. Bekobodliklar esa himoyani mustahkam tashkil etgan holda o'yin suratini o'zgartirish, to'pni nazoratga olish payida bo'lishdi. Bu esa o'z samarasini bermasdan qolmadi. 34-daqiqada “qaldirg'ochlar” jarima maydonlariga yaqin joyda SHahzodbek Nurmatovga nisbatan o'yin qoidasini buzishdi.

Jarima zarbasini Murodjon Toshmatov muvaffaqiyatli ijro etdi va hisobni ochdi. Birinchi taymning qolgan daqiqalarida hamda ikkinchi taymda ham bir qator imkoniyatlar bo'lgan ersa-da, hisob boshqa o'zgarmadi va “Metallurg” 1:0 hisobida g'alaba qozondi.

Bekobodliklar navbatdagi ko'rik uchrashuvini ham bunyodkorchilar maydonida, 28 iyul kuni yoshlar tarkibiga qarshi o'tkazadi. Dastlabki uchrashuvda O'zbekiston terma jamoalari yig'inida bo'lgan Javlon Mirabdullaev, shuningdek, kichik jarohati bor Alisher Ziyovuddinov, Davron Karimqulov hamda Jasur Ahmedovlar maydonga tushishmadi.

“Bunyodkor”(Toshkent) – “Metallurg” (Bekobod) – 0:1 (0:1). 25.07.2015. Nazorat uchrashuvi. “Bunyodkor” akademiyasi maydoni.
Hakamlar:Jasur Muxtorov, Ziyovuddin Erkinov, Sultonmurod Ulfatov.
Nazoratchi hakam:Marat Ismoilov.
Gol:Murod Toshmatov (34)
Ogohlantirishlar:Sato Minori (27), J.Qahramonov (33), D.Odilov (40).
“Bunyodkor”:M.Zuhurov, H.Karimov, A.SHorahmedov, A.G'afurov, V.Karpenko, S.Minori, J.Ibrohimov, I.Miloshevich, S.Azimov, J.Qahramonov, V.SHodiev.
Zahiradan tushganlar:D.Jo'raev, A.Alimpievich, N.Hasanov, N.Mavlonov, B.Rahimov, V.Nuriev.
“Metallurg”:Z.Safoev, H.Hoshimov, A.Kovalev, M.Toshmatov, M.Sulaymonov, R.Vagapov, D.Odilov, D.Karimov, S.Rasulov, A.No'monov, SH.Nurmatov.
Zahiradan tushganlar:S.Sultonov, S.Abdujabborov, SH.Norbekov, M.Akbarov, Z.Abdullaev, M.Esonov, F.Nurliboev, S.Ermatov, A.Rashidxonov.