Mavsumni medallarsiz yakunlash, chempionat to'purariga aylangani borasida Akbar Usmonov bilan suhbat

 Akbar Usmonov esa 55ta gol bilan chempionat to'purariga aylandi. 

SHundan keyin futbolchining mavsum yakunlari bo'yicha fikrlariga quloq tutdik.

Mavsum yakuni haqida
- CHempionatni ajoyib ruhda boshladik . Mazmunli o'yinlarni o'tkazdik . Zahira o'rindig'ida muammolar bo'lsa ham qo'ldan kelgancha chempionlik uchun kurashdik. Kutilmaganda yo'qotilgan ochkolar sababli chempionlikdan mosuvo bo'ldik.

CHempionlik poygasidan chiqish ketish borasida
- Birinchi davradan so'ng ham 1-o'rinda borayotgan edik. Lekin chempionat davomida zahira o'rindig'imiz ancha kichrayib ketdi. Jarohatlar, ortiqcha sariq kartochkalar natijalarimzga tasir ko'rsatmay qolmadi. Keragidan ortiq ochkolarni yo'qotdik. Yakunda bu yo'qotilgan ochkolar qimmatga tushdi va jamoamiz medallarsiz qoldi.

Mavsum to'purari bo'lishi xususida
- Mavsum davomda gollarim soni balki ko'proq bo'lishi ham mumkin edi. Lekin har imkoniyatlarimdan foydalanaversam legioner sifatida top jamoalarda o'ynayotgan bo'lardim (kuladi). Bu mavsum “Lokomotiv” uchun urilgan barcha gollarim men uchun qadrli bo'ldi.

Moliyaviy holat haqida
- To'g'risi, 1-o'rinda ketayotganimizda moliyaviy taraflama ham muammolar bo'ldi. Aslida bu bahona bo'lishi kerak emas. Lekin har sohada moliyaviy rag'bat muhim o'rin kasb etishi bor gap!!!