"Mashal": Viloyat hokimi kubogida kumush va bronzaga ega bo'ldik

Jamoalar uchun mavsum oldi tayyorgarlik turnir vazifasini ham o'tab bergan ushbu turnir keskin va murosasiz kechdi. Finalga qadar Qarshining "Nasaf" jamoasi yoshlari va birinchilik vakillarimiz "Mashal-2" etib keldi va kubok uchun maydonga chiqdi.

Uchrashuvning 30 daqiqasida vakillarimizdan Tavakkal Abdurahmonov hisobni ochdi biroq bu hisobni o'yin oxirigacha saqlab qola olmadi. Mikola Lapa shogirdlariga tajriba etishmadi va o'yin so'nggida ketma-ket uch to'p o'tkazib yubordi. Yakunda bosh sovrinni yosh "ajdarlar" qo'lga kiritdi. "Mashal-2" esa turnirning kumush medallariga ega bo'ldi.

Uchinchi o'rin uchun kechgan bahsda esa Baxtiyor Sattorov boshchiligidagi yoshlar jamoamiz "SHo'rtan" yoshlariga qarshi o'ynadi va penaltilar bahsida esa yoshlarimiz omadliroq chiqdi.

Viloyat hokimi kubogining 2016 yilgi bahslari yakunlandi va unda har ikki jamoamiz sovrindorlar qatoridan joy oldi.