Marotta italiyalik futbolchilarni o'z klublariga sodiqligini aytdi. Bizdachi? O'zbek futbolchilari ham o'z jamoasiga sodiqmi?

"Biz asosan italiyalik futbolchilar atrofida jamoa tuzashni rejalashtirganmiz. Italiyalik futbolchilar legionerlarga nisbatan o'z klublariga sodiq bo'lishadi. Masalan Teves uni o'z uyiga qo'yib yuborishimizni so'radi. Biror kun Leo Bonuchchi oldimga kelib: "men o'z shahrimga ketmoqchiman, qo'yib yuboring deyishini" tasavvur ham qilolmayman", - dedi Beppe Marotta.

Rostan ham, italiyalik ko'p futbolchilar o'z klublariga sodiq ekanligini amalda ko'p bor ko'rganmiz.

Bunga misollar etarlicha topiladi.

Masalan "Roma" sardori Franchesko Totti, De Rossi. "Milan"da o'ynagan Maldini, "Yuventus" timsoli Alesandro Del Pero, Janluiji Buffon kabi italiyalik futbolchilar misolida buni bilamiz. Yoki "Udineze" "snayperi" Antonio Di Nataleni olaylik?!

P.S. Qiziq, o'zbek jamoalarida ham o'z klubiga sodiq futbolchilar bormikan? Yaqin o'tmishda o'zbek futbolchilari ichida o'z klubiga sodiq futbolchilar juda ko'p bo'lgan. Lekin hozirchi? Ayni paytda o'z jamoasiga sodiq futbolchi topilarmikan?

To'g'risini aytish kerak, so'nggi yillarda Oliy liganing barcha jamoasi safida o'ynab ko'rayotgan futbolchilar soni tobora oshib ketmoqda. Bizda o'z jamoasiga sodiq emas, balki ko'plab jamoalarning sobiq futbolchisi nomini olayotgan "birrovchi" futbolchilar tobora ko'payib ketdi.

Aziz o'quvchi, hozirgi o'sib kelayotgan yosh futbolchilarimizdan kimlar o'z jamoasiga sodiq (ichki chempionat miqiyosida) futbolchilar bo'ladi deb o'ylaysiz? Bu borada sizning fikringiz, taxminlaringiz qiziq. O'zbek futbolida Antonio Di Natale, Del Pero, Totti, De Rossi kabi o'z klubiga sodiq qoladigan futbolchilar bormi?