"M-150 CUP" - Javohir Sidiqov musobaqaning eng yaxshi o'yinchisi
16 dek 2017 09:11
Yangiliklar

"M-150 CUP" - Javohir Sidiqov musobaqaning eng yaxshi o'yinchisi

Teglar : O'zbekiston U-23 Javohir Sidiqov

O'zbekiston yoshlar terma jamoasi Tailandning Buriram shahrida bo'lib o'tgan xalqaro musobaqa munosib ishtirok etib, yakunda bosh sovrinni qo'lga kiritishga muvaffaq bo'ldi.

Vakillarimiz dastlab guruhda Myanmaga qarshi uchrashuvda 2:2 hisobida durang qayd etishdi. Ikkinchi uchrashuvda esa Vetnam terma jamoasi 2:1 hisobida mag'lubiyatga uchratildi. Guruhda birinchi o'rinni qo'lga kiritgan terma jamoamiz azolari finalga yo'l olishdi.

Finalda qitamizning kuchli terma jamoasi Yaponiyaga qarshi bahs olib borgan Ravshan Haydarov shogirdlari ikki marta hisobda oldinda borishdi. Ammo yaponiyalik futbolchilar uchrashuvning asosiy vaqtida mag'lubiyatdan qutulib qolishga muvaffaq bo'lishdi.

Penaltilar seriyasida ishonchli harakat qilgan terma jamoamiz azolari baribir eng kuchli ekanliklarini isbotlay olishdi.

Ushbu musobaqada ajoyib o'yinlari orqali muxlis va mutaxassislar etiboriga tushgan terma jamoamiz yarim himoyachisi, "Qo'qon-1912" jamoasi futbolchisi Javohir Sidiqov musobaqaning "Eng yaxshi o'yinchisi" sovriniga munosib deb topildi.

"Bu O'zbekiston terma jamoasi tarkibidagi dastlabki shaxsiy sovrinim. Terma jamoadagi barcha do'stlarimga, murabbiylarga katta rahmat aytmoqchiman. Bu hali boshlanishi. Katta g'alabalar hali oldinda", - deydi Javohir Sidiqov.