"Lokomotiv"ning birinchi, "Bunyodkor"ning esa 7-finali

Qarshida "Nasaf" bilan durang o'ynagan "Bunyodkor" ikki o'yin natijasiga ko'ra mamlakat kubogi finaliga yo'l oldi. "Qaldirg'ochlar"  o'z tarixlarida 7-bor kubok finaliga chiqishdi.

SHu kungacha olti bor hal qiluvchi uchrashuvda maydonga tushgan "Bunyodkor" 4 bor kubokni qo'lga kiritgan.

Toshkentning "Lokomotiv" klubi esa o'z tarixida ilk bor O'zbekiston kubogi finalida o'ynaydigan bo'ldi. "Temiryo'lchilar" kecha "Paxtakor" bilan durang o'ynashdi va ikki bahs natijasiga ko'ra raqibdan ustun bo'lishdi.

2002 yil tashkil topgan "Lokomotiv" hozirga qadar ikki bor yarim finalda to'xtashga majbur bo'lgandi (2010 va 2013 yillar).

Endi noyabr oyini kutamiz, aynan kuzning so'nggi oyida 2014 yilgi O'zbekiston kubogi sohibi nomi aniqlanadi.