"Lokomotiv"ga nima bo'ldi?

"Temiryo'lchilar" yangi mavsumda hozirgacha jami 7ta rasmiy bahsda maydonga tushishdi va shularning yarmidan ko'pida mag'lubiyatga uchrashdi.

"Lokomotiv"ning yangi mavsumdagi statistikasi quyidagicha:
7 o'yin, 2 g'alaba, 1 durang va 4 mag'lubiyat.
To'plar nisbati: 12-10.

Mirko Yelichich va Andrey Miklyaev tandemi ostidagi jamoa OCHLda 3ta mag'lubiyatni qabul qilishgan bo'lsa, Superligadagi ilk mag'lubiyat Namangandagi bahsda sodir bo'ldi. SHuningdek, jamoa Superliga doirasidagi yana bir uchrashuvda durang qayd etgandi. "Lokomotiv"ning ikkita g'alabasidan biri Navoiyda "Qizilqum" ustidan qo'lga kiritilgan bo'lsa, mavsumdagi ilk o'yinda OCHL doirasida "Al Vahda" Toshkentda taslim etilgandi.

"Temiryo'lchilar" o'tkazilgan oxirgi 4 uchrashuvdan 3tasida mag'lubiyatga uchrashgan bo'lsa, bitta durang o'ynashdi. Jamoaning oxirgi g'alabasi bahorning ilk kunida qo'lga kiritilgandi. SHu tariqa "Lokomotiv"ning g'alabasiz seriyasi 4 o'yinga etdi.

Amaldagi chempion ayni paytda O'zbekiston Superligasida 3-turdan keyin 4 ochko jamg'argan holda 6-o'rinni band etib turibdi. OCHLda esa jamoa 4-turdan so'ng o'z guruhida 3-pog'onada bormoqda.

Murabbiy imzosi

Mahorat yoki tanqidlardan himoyalanish formulasi

Andrey Miklyaev: "Istefo haqidagi savol menga emas"