"Lokomotiv": Raqiblarimiz mag'lubiyatga uchrashdi

SHu tariqa Fozil Musaev jamoadoshlari 10-pag'onadan yuqoriga ko'tarila olishmadi.

Turnir jadvalida o'zidan oldinroqda borayotgan “Saypa”ni qabul qilgan “Lokomotiv”ning raqibi 60 hamda 79-daqiqalarda o'z darvozasidan gol o'tkazib yubordi. 92-daqiqaga kelib braziliyalik Lusiano CHimba tomonidan urilgan gol hisobni qisqartirish uchungina xizmat qildi – 1:2.

“Sepaxon” navbatdagi turni 18 fevral kuni 7-pag'onada borayotgan “Traktor Sozi” klubiga qarshi safarda o'tkazadi.

Guruhimizdagi yana bir raqib – BAAning “An-Nasr”i ham o'z milliy chempionatida mag'lubiyat alamini totib ko'rdi. Ivan Yovanovich shogirdlari 6-o'rinda borayotgan “Al-Vaxda” maydonida imkoniyatni boy berishdi. O'yin taqdirini hal qilgan yagona golni mezbonlar 6-daqiqadayoq kiritib ulgurishgandi.

SHu kuni “An-Nasr” safida to'rt nafar legioner futbolchi harakat qilganini qayd etish kerak. 18 ta o'yinda 32 ochko jamg'argan klub ligada 3-o'rinni egallab turibdi. Peshqadam “Al-Ayn” 14, 2-pag'onadagi “Al-Ahli” 9 ochkoga ilgarilab ketishgan. “An-Nasr” navbatdagi turni 18 fevral kuni o'z maydonida 8-o'rindagi “Dibba Al-Fujayra”ga qarshi o'tkazadi.

“Lokomotiv”ning chempionlar ligasidagi birinchi raqibi “Al-Ittixod” 9 fevral kungi pley-off o'yinidan keyin maydonga boshqa chiqmadi. Saudiya Arabistoni chempionatida 3-o'rinda borayotgan Jidda klubi ertaga 9-pag'onadagi “Al-Faysali” mehmoni bo'ladi.

Eslatib o'tamiz, “temiryo'lchilar” bugun Xitoy Super ligasi vakili “Tyanczin Teda” bilan durang o'ynashdi.