“Lokomotiv” jamoasi muxlislari uchun aytilgan qo'shiqni eshitganmisiz? VIDEO

Qayd etish joizki, aksariyat futbol klublarining ashaddiy ishqibozlari o'yin payti stadionda sevimli jamoalariga atab kuylangan qo'shiqlarni maroq bilan hirgoya etib, o'yinchilarni yanada ruhlantirib turishadi. Bu esa o'sha jamoa tarkibida maydonda harakat qilayotgan futbolchining yanada faolroq o'ynashiga turtki bo'ladi.

O'zbek estradasining yorqin yulduzlaridan biri – “SHahzod” guruhi asoschisi Rashid Xoliqov futbol bo'yicha O'zbekiston chempioni va kubogi sohibi – “Lokomotiv” klubiga atalgan maxsus qo'shiq kuylagan. Mazkur qo'shiq “temiryo'lchilar” jamoasining yil sayin ortib borayotgan ko'p sonli muxlislariga bag'ishlangan.

Ishonamizki, yaqinda start oladigan yangi mavsumda muxlislar “Lokomotiv” stadionida o'tadigan har bir bellashuvda mazkur qo'shiqdan parchalar hirgoya etib, sevimli futbolchilarini ruhlantirib, yangi g'alabalar sari olg'a boshlashadi.