"Lokomotiv" g'alaba qozondi

Oliy liga, 4-tur.
Lokomotiv (Toshkent) – So'g'diyona (Jizzax) 3:1
7 aprel. Toshkent. "Lokomotiv" stadioni. 16:00
Hakamlar: I. Tantashev (Buxoro), H. SHodmonov (Buxoro), X. Mirzaahmedov (Toshkent viloyati), D. Dosanov (Toshkent)
Nazoratchi: I. Nexochin (Namangan).

Gollar: Nagaev (29), SHevchenko (31), Jasur Hasanov (75), Suhrob Berdiev (84)

Lokomotiv - Ignatiy Nesterov, Bobur Yo'ldoshev, Salim Mustafoev, Fozil Musaev, Islom To'xtaxo'jaev, Viktor Karpenko, Ivan Nagaev (Sardor Mirzaev, 82), Ibrohim Rahimov (Jasur Hasanov, 70), Jasur Hasanov (katta), Lutfulla To'raev, Vyacheslav SHevchenko (Farhod Tojiev, 68).

So'g'diyona - Aleksandr Melenchuk, Ilhom Komilov, Ayubxon No'monov, Rasul Haitov (Bobir Qosimov, 63), Rustam Azamov, Orif Mamajonov, Jasur Hakimov, Sardor Eminov, Suhrob Qobilov (Sanjar Rashidov, 83), Asil Begimqulov, Suhrob Berdiev

Ogohlantirishlar: Bobur Yo'ldoshev (61), Bobir Qosimov (67)

YANGILASH


90+3` Uchrashuv tugadi!

90+2`"Loko" standart vaziyatdan unumli foydalana olmadi.

90+1` Uchrashuvga 3 daqiqa vaqt qo'shib berildi.

90` "Lokomotiv" jarima zarbasini amalga oshiradi. Xavfli nuqta.

88` Uchrashuv taqdiri deyarli hal etilgan.

86` "Lokomotiv"ning yangi posboni Ignatiy Nesterov ketma-ket ikkinchi bor o'z maydonlarida bo'lib o'tayotgan o'yinda darvozasidan gol o'tkazib yubormoqda.

84`GOOOOOOOOOOOOOOOOOOL! Suhrob Berdiev! 3:1! "So'g'diyona" Nesterov darvozasiga yo'l topa oldi. Suhrob Berdiev o'zining kuchli zarbasi bilan Nesterovni dog'da qoldira oldi.

83` "So'g'diyona"da o'zgarish: Sanjar Rashidov qolgan daqiqalarda Suhrob Qobilov o'rnida harakat qiladi.

82` Ivan Nagaev o'z o'rnini Sardor Mirzaevga bo'shatib bermoqda.

81` Salim Mustafoev char qanotdan Farhod Tojiev to'pni qulay tarzda etkazib berdi. Lekin Farhod bu vaziyatga tayyor emasdi.

80` O'zgarishlar "Lokomotiv"ning o'yinini jonlantira oldi.

77`"Loko"ning yana bir hujumi. Ivan Nagaevni pasidan so'ng Hasanov yana gol kiritishi mumkin edi. Lekin Melenchuk darvozaga nega turganini isbotlab qo'ydi.

75` GOOOOOOOOOOOOOOOOL! Jasur Hasanov! "Loko"ning hujumini hozirgina maydonga tushgan (kichkina) Jasur Hasanov o'zining aniq zarbasi bilan yakunladi. Hisob yiriklashdi.

70` Ibrohim Raximov o'rniga Jasur Hasanov maydonga tushdi.

68` Vyacheslav SHevchonko o'z o'rnini Farhod Tojievga bo'shatib berdi.

67` Bobir Qosimov hakam tomonidan ogohlantirildi.

65` Vyacheslav SHevchenko legioner-a? Qanday qilib ushbu birga-bir vaziyatdan foydalana olmasli mumkin? Qaror chiqarishda va ildamroq harakat qilishda oqsadi hozir SHevchenko.

64` O'yin tempi tushib ketdi. Jamoalar og'ir o'yin ko'rsatishmoqda.

63` Rasul Xaitov o'rniga Botir Qosimov maydonga tushdi.

61`Bobur Yo'ldoshev hakam tomonidan ogohlantirildi.

59` "Loko"ning tezkor hujumi. Jasur Hasanovning etkazib bergan to'pini raqib himoyachisi maydondan chiqarib yubordi.

56` Ivan Nagaevda yana imkoniyat. Bu safargi zarba ham noaniq.

52` Viktor Karpenkodan mega-super pas! Karpenko o'z jarima maydonchasi oldidan Ivan Nagaevni juda qulay vaziyatga chiqarib yubordi. Lekin Nagaevning zarbasini Melenchuk qaytarishga erishdi. Karpenkodan ajoyib harakat!

50` Fozil Musaev bugun goli kiritishni o'z oldigamaqsad qilib qo'ygan ko'rinadi. Uzoqdan yo'llagan zarbasi ju noto'g'ri chiqdi.

48` "So'g'diyona"ning hujumi noaniq zarba bilan yakun topdi.

46` Ikkinchi bo'lim boshlandi!

"FIFA.UZ" ishqibozlari uchun: "Lokomotiv"ning birinchi goli "So'g'diyona" himoyachisining xatosi tufayli yuzaga keldi va Nagaev himoyachining xatosidan unumli foydalandi. Ikkinchi gol esa Musaevning zarbasini qaytargan Melenchuk ikkinchi zarbaga ulgura olmadi va SHevchenko qaytgan to'pni darvozaga aniq yo'lladi. Bu o'yinda hozircha assistentlik qilgan futbolchi yo'q.

45+1` Birinchi bo'lim tugadi. Tanaffus!

45` Suhrob Berdievning zarbasini Nesterov katta qiyinchilik bilan qaytarib yubordi. Ana vaziyat!

44` Ayubxon No'monovning jarimadan yo'llagan zarbasini Nesterov bartaraf etdi. Takroriy zarba esa noaniq ketti.

42`Fozil Musaevning kuchli zarbasi Melenchuk katta mahorat ko'rsatib qaytarib qoldi. Melenchukka tasanno deyish kerak! Ofarin!

40` Ivanisheeee! Birinchi bo'limda xet-trik qayd etishi mumkin edi-ya?

38` Ivanjon qulay vaziyatga ega bo'lgandi. Nagaevning zarbasi darvoza ustuniga tegib maydonni tark etdi. 

36` "Loko" futbolchilari birinchi bo'limdagi masalani ikki daqiqa ichida hal etib qo'yishdi. Buyog'iga bemalol o'zlari istagandek chiroyli futbol namoyish etishlari mumkin.

34` "So'g'diyona" jamoasi yarim soat futbol o'ynadi. Qolganiga tomoshabin bo'moqchi shekilli? Ikki daqiqa va ikkita gol.

31`GOOOOOOOOOOOOOOOL! SHevchenko! 2:0! "Lokomotiv" jamoasi futbolchilari ularni Vadim Abramov boshqarayotganini yodlariga olish chog'i, ketma-ket hujumlar yomg'irini uyushtirishdi. Fozil Musaevning zarbasini Melenchuk bartaraf etdi. Qaytgan to'pga esa SHevchenko ildamroq harakat qilib etib keldi va to'pni darvozaga joylab qo'ydi.

30` GOOOOOOOOOOOOOOOL! Ivan Nagaev! 1:0! "Lokomotiv"ning hujumini Nagaev chiroyli yakuniga etkazib qo'ydi.

26` O'yin maydon markaziga ko'chdi. Qaysi jamoa endi hujum qilishni o'z bo'yniga oladi?

24` "Loko" futbolchilari g'azabi chiqqan ko'rinadi. Hujumni tezlashtirib yuborishdi. Lekin tezlik bilan aniqlik hech birlashmayapti. Bunday hujumlar esa samarasiz yakunlanmoqda. Bazilari esa yakuniga etmay to'xtab qolmoqda.

22` "So'g'diyona" endi oldinga o'tish bizni gal deb hujumlar tashkil etishga urinmoqda. Birinchisi xavfli chiqdi. Keyingilaridan esa darak yo'q hozircha.

20` Jarima to'pi burchak to'piga aylandi. Burchak zarbasidan so'ng Sardor Emilov Nesterov darvozasi tomon kuchli zarba yo'lladi. Ammo biroz noaniq. Uchrashuvdagi ilk xavfli zarba muallifi Sardor Emilov.

19` "So'g'diyona" ham nihoyat hujumga qaytdi. Jarima to'pi.

17` "Lokomotiv"ning hujumdagi har uchinchi pasi noaniq chiqmoqda. Abramov jamoasi Vadim Abramovning jamoasiga "o'xshamayapti".

15` SHevchenko qulay vaziyatga chiqqandi. Lekin qanot hakami ushbu hujumni davom etishiga yo'l qo'ymadi. Yani o'yindan tashqari holat yuzaga keldi.

14` Rasul Haitov o'ng qanotdan "reyd" uyushtirmoqchi bo'ldi. Ammo uning o'ylagan rejasi amalga oshmadi.

12` SHu vaqt mobaynida "Lokomotiv" ustunlikka ega. Lekin Abramov jamoasi raqibiga nisbatan ko'p xatolarga yo'l qo'ymoqda.

10` "Lokomotiv" tezlikni oshirdi. Aniqlikni ham oshirishi kerak Abramov shogirdlari.

8` To'pga egalik qilishda  "Lokomotiv" o'z ustunligini namoyish etishni boshladi. "So'g'diyona" vakillari esa hozircha maydonga zich joylashib olishgan va raqibni "chiroyli" tarzda kutib olishmoqda.

6` "Lokomotiv"ning hujumi. Ibrohim Raximov Melnichuk darvozasi tomon zarba berdi. Lekin zarbaga aniqlik etishmadi.

5` Stadionga mingga yaqin tomoshabinlar tashrif buyurishgan.

4` "So'g'diyona" futbolchilari o'yinni o'z jarima maydonchalari oldida o'tkazish istaklari yo'q. Mehmonlar faollik namoyish etishmoqda.
 
3` O'yinni bevosita stadiondan kuzatish uchun hozirgina O'zbekiston milliy terma jamoasi bosh murabbiyi Mirjalol Qosimov keldi.

1` Uchrashuv boshlandi!

Jamoalar maydonga chiqib kelishmoqda.

Uchrashuv boshlanishiga oz vaqt qolmoqda.

Bugun ushbu o'yinni tasvirga olish uchun "Sport" kanali xodimlari kelishgani yo'q hozircha. Demak o'yin yozib olingan tarzda ham efirga ketmasligi mumkin.

Jamoalar maydonga chiqishgan va o'yin oldi chigal-yozdi mashg'ulotlarni olib borishmoqda.

Assalomu aleykum qadrli futbol ishqibozlari! Bugun Oliy ligamizning 4-turidan o'rin olgan so'nggi uchrashuv "Lokomotiv" - "So'g'diyona" bahsi bo'lib o'tadi. Ushbu bellashuvdan matnli onlayn translyaciyani olib boramiz. Xizmatingizda SHahboz Beg'amov bo'ladi.