“Lokomotiv” futbolchilariga O'zbekiston chempionati oltin medallari va Chevrolet Gentra kaliti topshirildi FOTO

Jamoa Osiyo CHempionlar Ligasida chorak finalga qadar etib bordi. Ichki chempionatda esa uzoq kutilgan chempionlikka erishildi. SHuningdek, O'zbekiston kubogida ham muvaffaqiyat qozonilib, “Oltin dubl” rasmiylashtirildi.

Kecha mana shunday sovrinlarga boy tarzda o'tgan mavsum yakunlariga bag'ishlab bayram dasturxoni yozildi va chempionga oltin medallar topshirildi. Poytaxtimizdagi “O'zbekiston” mehmonxonasi kichik tantanalar zalida o'tkazilgan bayram tadbirida “Lokomotiv” jamoasi futbolchilari va klub hodimlari, ularning yaqinlari, jamoa homiylari va OAV vakillari ishtirok etishdi. Yakunda “O'zbekiston Temir yo'llari” AJ boshqaruv raisi birinchi o'rinbosari Dexkanov Davron Tulkunovich va O'zbekiston Futbol Federaciyasi vice-prezidenti Rahmatullaev Sardor Hamidullaevich mamlakatimizning yangi chempioniga oltin medallarni topshirishdi.

Klub bosh homiysi sanaladigan “O'zbekiston Temir yo'llari” AJ tomonidan shuningdek, “Lokomotiv”ning chempionlikka erishishiga katta xissa qo'shgan barcha futbolchi va murabbiylarga so'nggi rusumdagi Chevrolet Gentra avtomobillari kaliti ham topshirildi.

Saytimizning Telegram dagi kanaliga obuna bo'ling - telegram.me/championatasia