“Lokomotiv” azolari Toshkentdagi Britaniya maktabiga tashrif buyurishdi

Jamoa vakillari ushbu tatilda ham “bo'sh o'tirishgani” yo'q. Bir kun oldin “Loko” futbolchilari Respublika onkologiya ilmiy markazida davolanayotgan bolalarni bayram bilan tabriklagani borishgandi. Kecha esa bir qator futbolchilarimiz va murabbiylar shtabi Toshkentda joylashgan Britaniya maktabida bo'lib, u erda talim olayotgan yigit-qizlar bilan maroqli suhbat qurishdi.

Dastlab ushbu maktab o'quvchilari bilan uchrashuv bo'lib o'tdi. Uchrashuv avvalida Toshkentdagi Britaniya maktabining ikki nafar o'quvchisi “Lokomotiv” jamoasi haqida tayyorlagan taqdimot namoyish etildi. So'ngra jamoamizda faoliyat olib borayotgan avstraliyalik mutaxassis Mirko Yelichich hamda bir necha nafar futbolchilarimiz o'quvchilarning ingliz tilida bergan turli mavzudagi savollariga javob qaytarishdi.

Keyin esa maktabning futbol maydonchasida o'quvchilar hamda “Lokomotiv” futbolchilari o'rtasida ko'rgazmali futbol o'yini o'tkazildi. O'yin juda qiziqarli tarzda o'tdi. Yakunda esa Toshkentdagi Britaniya maktabi o'quvchilari taniqli futbolchilarimizdan esdalik uchun dastxat olishdi.