“Lokomotiv” azolari futbol faxriylari imzolagan rezolyuciyaga qo'l qo'yish niyatida bo'lishmagan

Konferenciyada 2017 yilning 10 avgustida qabul qilingan O'zbekiston Respublikasi Prezidentining 3196 raqamli “Nufuzli xalqaro sport musobaqalarida yuksak natijalarga erishgan O'zbekiston sportchilarini jamoat va sport ishlariga keng jalb etish hamda sportchilarni va ularning trenerlarini rag'batlantirish to'g'risida”gi qarori muhokama qilindi.

SHuningdek, ushbu konferenciyada mamlakatimizda sport, xususan, futbolni rivojlantirish uchun qanday ishlar amalga oshirilishi lozim ekani, O'zbekiston Futbol Federaciyasi ish tizimini o'zgartirish hamda isloh etish borasida qanday ishlar amalga oshirilishi lozim ekani gapirib o'tildi.

Takidlash joizki, konferenciya yakunida unda qatnashgan bir qator futbol faxriylari O'zbekiston Respublikasi Prezidenti SHavkat Mirziyoev, Davlat maslahatchisi Axmadxo'ja Yunusxodjaev, O'zbekiston Respublikasi jismoniy tarbiya va sport qo'mitasi raisi Rustam Qurbonov, O'zbekiston Milliy olimpiya qo'mitasi Prezidenti Alisher Sultonov nomiga rezolyuciya yuborishdi. Rezolyuciyada konferenciya ishtirokchilarining mamlakatimizda futbolni isloh etish borasidagi takliflari bayon etilgan.

Qayd etish joizki, Anhor.uz  saytida rezolyuciya imzolagan faxriylar nomi malum qilindi. Unda rezolyuciyaga imzo chekish paytida konferenciyada ishtirok etganlik to'g'risidagi qog'ozga qo'l qo'yyapman, deb o'ylagan “Lokomotiv” jamoasi murabbiylari – Andrey Miklyaev, Andrey Fyodorov hamda “Lokomotiv” futbol klubi o'yinchisi – Timur Kapadzelarning nomlari ham zikr etilgan.

Keng ommaga malum qilmoqchimizki, jamoamiz nomidan ushbu konferenciyaga taklif etilgan 2 nafar murabbiy hamda bir nafar futbolchi tashkilotchilarning taklifini rad etmaslik uchun ham unda ishtirok etishdi. Biroq ular konferenciya yakunida rezolyuciya imzolanishidan butunlay bexabar bo'lishgan hamda unga qo'l qo'yish niyatida bo'lishmagan.