Legionerlar. Bugun SHomurodov, G'aniev, Abdixoliqov jamoalari o'ynaydi

Koreya

Koreya K-Liga 13-turida "Kanvon" "Suvon Blyuuings"ni qabul qiladi. Ikrom Aliboev jamoasi ayni paytda 11-o'rinda borayotgan bo'lsa, raqib 12-o'rinda. Xavfli zona jamoalari o'rtasidagi to'qnashuv 15:00 da boshlanadi.

BAA

Aziz G'anievning "SHabab Al Ahli" klubi BAA Birinchi divizioni 26-turida "Ajman" bilan bellashadi. Muddatidan oldin chempionlikka erishgan "SHabab Al Ahli"ning o'yini Toshkent vaqti bilan 20:35 ga belgilangan.

Qozog'iston 

Bobir Abdixoliqov va SHahboz Umarovning "Ordabasi" jamoasi Qozog'iston Premer-ligasi 9-turida "Maqtaraal" mehmoni bo'ladi. Mazkur uchrashuv 20:00 da start oladi. Ayni paytda "Ordabasi" 3-o'rinni egallab turgan bo'lsa, "Maqtaraal" oxirgi o'ringa joylashgan.

Belarus 

Abduqodir Husanov hamda Amirbek Bakaevning "Energetik-BGU" jamoasi 8-tur doirasida "Minsk"ka qarshi bahs yuritadi. Uchrashuv 19:00 da boshlanadi.

SHahzod Ubaydullaevning "SHaxtyor" Soligorsk klubi esa "Dinamo-Brest" bilan o'ynaydi. Bahs 23:00 da boshlanishi rejalashtirilgan.

Rossiya

Husayn Norchaev o'ynaydigan "Alaniya" klubi MFL 31-turida "Krasnodar-2" bilan ro'baro' keladi. "Alaniya" hozir 3-o'rinda bormoqda, raqib esa so'nggi pog'onadan joy olgan. Bahs 17:00 da start oladi.

Vagiz Galiullinning "Nefteximik" jamoasi o'z uyida "Rodina"ni qabul qiladi. Bellashuv 19:30 da boshlanadi. 

Rustam Ashurmatov hamda Umarali Rahmonalievning "Rubin" klubi "Akron" bilan to'qnash keladi. Bahs 20:00 ga belgilangan.

Hojimat Erkinovning "Torpedo" jamoasi RPL 27-turida "CSKA"ga raqiblik qiladi. Uchrashuv boshlanish vaqti – 21:00.

Italiya

Eldor SHomurodov to'p tepadigan "Speciya" klubi o'z maydonida "Milan"ni qabul qiladi. Ayni paytda mezbonlar 18, mehmonlar esa 5-o'rinda borishyapti. Mazkur uchrashuv 21:00 da boshlanishi rejalashtirilgan.