La Ligaga chiqqan ilk klub nomi malum bo'ldi

Segunda 40-turi yakunlariga ko'ra, “Kadis” muddatidan avval La Liga yo'llanmasini hal etdi.

Mavsum yakuniga ikki tur qolganda “Kadis” musobaqa jadvalida 69 ochko bilan peshqadamlik qilmoqda. Klub ikkinchi o'rindagi “Ueska”ni 5, uchinchi pog'onadagi “Saragosa”ni esa 7 ochkoga ortda qoldirmoqda. La Ligaga esa 1 hamda 2-o'rinlarni qo'lga kiritgan jamoalar to'g'ridan-to'g'ri yo'l oladi.

“Kadis” so'ngi bor La Ligada 2005/06 yilgi mavsumda qatnashgan edi. Klub La Ligada jami 12 mavsum qatnashgan, eng yaxshi natijasi esa 1987/88 yilgi mavsumda qayd etilgan — 12-o'rin.