Kurtuaning ortidan Eder Militao ham deyarli bir mavsumga safdan chiqdi

"Real Madrid" futbolchisi Eder Militaoning jarohati og'ir bo'lib chiqdi. Himoyachining tiklanib, safga qaytishi uchun kamida to'qqiz oy vaqt talab etiladi. Agarda barchasi juda zo'r o'tadigan bo'lsa, Eder olti oyda ham safga qaytishi mumkin, ammo buning ehtimoli juda kam. 

Malumot uchun, futbolchi "Atletik"ka qarshi uchrashuvda jarohat olib, maydonni ko'z yoshlar bilan tark etgandi. Militao tizzasining xochsimon bog'lami shikastlangani tasdiqlandi. Xuddi shunday jarohatni yaqindagina Tibo Kurtua ham orttirib olgandi.