Krishtianu Ronaldu o'z orzusidagi gol haqida aytib o'tdi

CHempionlar ligasi haqida

- CHempionati biz uchun juda qiyin kechmoqda. Ispaniya kubogidan esa muddatidan avval chiqib ketdik. Biz Evropa chempionlar ligasida ham ishtirok etyapmiz. Bu turnirdagi g'alaba orqali ko'ngilsizliklarni oldini olmoqchimiz. "Real" bejizga ushbu musobaqada eng ko'p zafar quchmagan. Nufuzli musoboqada hali hech nima boy berilmagan. SHu bois biz ECHLda g'olib bo'lish uchun ko'p ishlaymiz va ushbu mavsumda nimadirga erishishni istaymiz. Rimda "Roma"ga qarshi o'yinda yaxshi harakat qildik va uyga yaxshi natija bilan qaytdik. Lekin bu futbol. SHu uchun javob bahsida ham diqqatni bir joyga jamlay olishimiz kerak. Ortiqcha xotirjamlikka berilmaslik lozim. Madriddagi o'yinda ham juda yaxshi o'ynab, g'alaba qozonishimiz zarur.

O'yini haqida

- Mening o'yinim darajasi bu ko'p yillik mehnatlarim samarasi deb bilaman. Hech qachon to'xtab qolmaslik kerak. Mashg'ulotlarda ko'proq ter to'kish zarur. Istedod bo'lgani bilan mehnat qilish, shug'ullanish kerak. Istedodning o'zi bilan ko'plab yutuqlarni qo'lga kiritib bo'lmaydi. Gap faqat bugun haqida emas. Men so'nggi 10 yillardan buyon bir xil maromda shug'ullanib, mehnat qilib kelaman. O'ylashimcha, shu bois men doimo yuqori saviyada o'ynab kelyapman. Mening rejam yanada ko'proq ishlab, "Real" bilan keyingi yillar ham sovrinlarni yutish, shaxsiy yutuqlarni qo'lga kiritib, o'z muxlislarimni quvontirish. Bu narsa meni yanada ilhomlantiradi.

Orzusidagi gol haqida

- Men faoliyatim davomida juda ko'plab chiroyli gollarni o'rganman. Orzuimdagi golga keladigan bo'lsak, raqibning barcha 11 futbolchisini aldab o'tib, darvozani ishg'ol etish. Bu kabi golni asosan virtual futbolda kiritish mumkin. Hayotda esa bu deyarli amalga oshirib bo'lmaydigan ish. Yana kim biladi deysiz.