Klopp “Bernli”ning o'yini haqida gapirdi

“Har doim bellashuvga 100 foiz tayyor bo'lish lozim va biz bugun bunga tayyor edik. Barns va Vudning van Deyk va Matip bilan to'qnashuvlarini barcha ko'rdi.

Hakamlar 100 foiz to'g'ri yo'nalishda harakatlanayotganliklariga amin emasman. Ulardan shunday taasurot qolayaptiki, biz 10-15 yil ortga qaytgandekmiz. Bunday hakamlik bilan ko'plab muammolar kelib chiqishi aniq.

Hujum qilayotgan jamoaning foydasiga hakam qaror chiqarishi menga judayam yoqadi. Ammo futbolchilarni ham himoya qilish lozim. Buni inkor etish kerak emas. Agar sizga shu taxlit urinishlar yoqayotgan bo'lsa, borib kurash bellashuvlarini tomosha qilishingiz mumkin.

O'yinda ko'plab yaxshi vaziyatlarni yaratdik, ammo gol ura olmadik. Qolganiga bor kuchimiz bilan harakat qilib, g'alabani saqlab qola oldik. Uch ochko qo'lga kiritildi va hech kim jarohat olmadi”, deya so'zlarini yakunladi Klopp.

APL 2-turidan o'rin olgan “Liverpul” – “Bernli” uchrashuvini tajribali hakam Mayk Din boshqarib bordi.