Kevin de Bryuyne ECHL g'olibi bo'lish haqida gapirdi

"Manchester Siti" klubi yarim himoyachisi Kevin de Bryuyne  jamoasi bilan ECHL g'olibi bo'lishi haqida gapirdi.

"O'ylaymanki, ECHLdagi g'alaba "Man Siti"ga bo'lgan munosabatni o'zgartiradi. O'yinchi sifatida biz barcha titullarni yutishni o'ylaymiz. Ko'p yillardan beri bunga intilib kelmoqdamiz. Hal qiluvchi bosqichlarga etib kelayotganimiz biz yomon ishlamayotganimizdan dalolatdir. 

Evrokuboklardagi daraja umuman boshqa. SHu sabab ham bu ish qiyin bo'ladi. Biz hali ECHLda g'olib bo'lmadik. Ammo bunga erishsak, bu odamlarning "Siti" haqidagi fikrlarini o'zgartirib yuboradi", -deydi Kevin de Bryuyne.

"Real Madrid" – "Manchester Siti" bahsi 4 may kuni 23:59 da start oladi. 

Eslatib o'tamiz, birinchi o'yinda Gvardiola shogirdlari 4:3 hisobida g'alaba qozonishgandi.