Kechagi kun Ronalduga bag'ishlandi: O'yindan oldin uning gadjeti, bahsdan keyin esa futbolchining xet-triki muhokama qilindi

"Kalyari" "Yuventus"ga qarshi bahsda bitta taym darvozasini quruq saqladi, ammo tanaffusdan so'ng Ronaldu ishga kirishdi.

49-daqiqada u himoyachidan to'pni olib qo'yib, darvozabonni aldab o'tdi va hisobni ochdi. 18-daqiqadan so'ng Krish Dibala ishlagan penaltini golga aylantirdi, yana bir daqiqa o'tib portugaliyalik xet-trikni nishonladi.

4:0 - "Yuventus"ning joriy mavsumdagi eng yirik g'alabasi. "Keksa sinora" 45 ochko bilan A Seriya jadvalida peshqadamlik qilmoqda, ammo "Inter" uch ochko orqada va ularning zaxirasida bitta o'yin bor. 29 ochko to'plagan "Kalyari" 6-o'rinni band qilgan.

Kechagi o'yin haqida bir nechta qiziq malumot:

- Ronaldu faoliyatidagi 56-xet-trikni qayd etdi. Portugaliyalik bu ko'rsatkich bo'yicha Messidan (53ta) yaxshigina uzoqlashib oldi.

- Ronaldu top-5 chempionatlardagi 36-xet-trikini (LaLigada 34ta, Angliya va Italiyada 1tadan) nishonladi. Bu erda ham portugaliyalik Messidan (35ta) oldinda.

- Krish A Seriyada xet-trikga erishgan birinchi portugaliyalik futbolchiga aylandi.

- Bu Ronalduning A Seriyadagi dastlabki xet-triki.

- Krish Italiya chempionatining so'nggi 5ta uchrashuvida 8ta gol urishga muvaffaq bo'ldi.

- Portugaliyalik so'nggi 18 yil davomida (2003-2020) Evropaning top-5 chempionatlarida gol ura olgan yagona futbolchi bo'lib turibdi.

- A Seriya - Ronaldu xet-trik qayd etgan 10-turnir.

- Krishtianu joriy mavsum A Seriyaning 15ta uchrashuvida 13ta gol urishga erishdi.

Ananaga ko'ra, Ronaldu maydondan tashqarida ham diqqatni o'ziga tortmoqda. O'tgan haftada portugaliyalikning bir qo'lidagi 800 ming dollarlik soati va zargarlik buyumlarini muhokama qilgandik.

Krish yana porladi. "Kalyari" o'yindan oldin galstukiga iPod Shuffle gadjetini qistirib olgan edi.

Bunday pleer 2005 yil sotuvga chiqarilgan, o'sha yili Ronaldu "Manchester Yunayted"dagi faoliyatini boshlagan edi. Bu haftada (11 yanvar kuni) iPod Shuffle 15 yoshga to'ladi.

Apple 2017 yilda ushbu modelni ishlab chiqarishni to'xtatgan, ammo bu gadjetni yaxshi ko'radiganlar hali ham oramizda mavjud. eBay internet do'konida ushbu pleer 20 dollar atrofida sotuvga qo'yilgan. Apple 2010 yilda Shuffle uskunasini yangilashni to'xtatdi.

"SHaffl"ning bunday muxlisi borligini kim ham bilibdi deysiz

Ijtimoiy tarmoqlarda pleer haqida muhokamalar boshlanib ketdi:

- "Multimillioner Ronaldu iPod Shuffle va Apple kompaniyasining standart quloqchinlaridan foydalanmoqda, chunki bu gadjetlar hali ham ishlayapti, siz esa yangi iPhone va AirPods larni ko'tarib olib, boshqalarga maqtanishni xohlaysiz".

- "Krishtianu hali ham iPod Shuffle dan foydalangani menga yoqdi, chunki o'zim ham hozirgacha ushbu gadjetni ishlatib yuraman".

- "Buyumlar modaga to'g'ri kelmay qolsa, ulardan shunchaki voz kechib bo'lmaydi".

- "Krishtianu Ronaldu 2020 yilda iPod Shuffle dan foydalanib, qalbimga iliqlik olib kirdi".

- "Yigit bir kun 500 000 dollarlik Rolex taqqan bo'lsa, keyingisida iPod Shuffle dan foydalanyapti".