Kapadze: "Kechirasizlar, lekin internetda yozilayotgan narsalar barchaga tasir qilmoqda"

"Bugungi uchrashuv qiyin o'tdi. Dastlabki daqiqalarda gol o'tkazib yubordik. O'mon jamoasi ancha zich himoyalandi. Biz raqib himoyasini yorib o'tishda qiynaldik. Vaziyatlarimiz ham bo'ldi. O'mon bugungi bahsga yaxshi tayyorgarlik ko'rgan ekan. Yigitlar ham bugun yaxshi harakat qilishdi"

Hojimat Erkinov

"O'yin biz uchun qiyin o'tdi va biz kutilgan natijaga erisha olmadik. Birinchi bo'limda biroz qiynaldik. Keyingi uchrashuvlarda yanada yaxshiroq harakat qilib, g'alaba qozonishga harakat qilamiz"

- Bugungi uchrashuvda asosan qanotdan hujumlar amalga oshirildi. Markaz biroz sust bo'lgandek. Shuningdek, uzoq masofadan zarbalar berilmadi. Ushbu jihatlar ustida ishlanmadimi?

- O'yinni tomosha qilgan bo'lsangiz O'mon terma jamoasi maydon markazini yopa oldi. Shu sababli biz ushbu zonadan deyarli imkoniyatlar yarata olmadik. Qanotlar ochiq bo'lgani sabab qanotlarda faol bo'ldik.

- O'mon jamoasining himoyachilari baland bo'yli futbolchilar ekan. Bunday raqiblarga qarshi qanday uslub qo'llagan yaxshi deb o'ylaysiz?

- Baland hujumchilar kerak ekan. O'mon jamoasi 10 kun avvalroq yig'in boshlagan. Yangi murabbiy kelgani uchun, tarkibdagi futbolchilar o'zini yaxshi tomondan ko'rsatishga harakat qildi. Raqibimiz tezkor gol kiritganidan so'ng himoyaga urg'u bera boshladi. Yanada ko'proq vaziyatlar yaratishimiz mumkin edi, ammo ulardan foydalana olmadik. Biz bor yo'g'i ikkita taktik mashg'ulot o'tkazishga ulgurdik. Futbolchilar ertaroq yoki kechroq yig'inga qo'shilishdi. Kechirasizlar, lekin internetda yozilayotgan narsalar barchaga tasir qilmoqda. Kimdir keldi va kimdir ketdi deyib yozishmoqda. Bularning barchasi etibor yo'qotilishiga olib keladi. Futbolchilar barchasi telefonga qarab qolgan. Bugun tayyor futbolchilar bilan maydonga chiqdik va yigitlar borini berishini. Bularning barchasi futbolchilarga tasir qilmoqda. Keyingi uchrashuvga ham durang bilan tugadi, hali xech narsa yo'qotilmadi.

Hojimat Erkinov

- JCHda o'z terma jamoangizni birinchi marotaba ishtirok etishi haqida uylayotganingizda nimalarni his etmoqdasiz?

- Hali o'ylab ko'rganim yo'q. Bunga hali vaqt bor. Hali tayyorgarlik ko'rishimiz kerak va o'rtoqlik o'yinlarda ishtirok etishimiz kerae.

- Oxirgi marotaba terma jamoamizga xorijlik murabbiy - Ektor Kuper kelganida, men bu qaror futbolimiz uchun bir qadam oldingi yurishmi degan savol bergandim. Endi esa Bentu kelmoqda. Sizningcha Bentu "Kuper 2.0"mi?

- Kecha bu haqda aytib o'tdim. Ko'ramiz. Bu rahbariyatga bog'liq. Hali xech narsa aniq emas deyishmoqda. Kim murabbiy bo'lsa ham terma jamoamiz yaxshi ishtirok etishini tilab qolaman. Men har doim terma jamoani qo'llayman, shaxslarni emas. Rahbariyatning qarorini to'g'ri qabul qilishim kerak bo'ladi. Masalan, Bentu mundialda ishtirok etgan va tajribasi bor. Balki shuning uchundir.

Hojimat Erkinov

- Maydon holatiga haqida gapirib o'tsangiz...

- Maydon yaxshi edi. Bu maydonda birinchi marta o'ynamoqdamiz.

Timur Kapadze

- Hozirgi kunda Toshkentdagi eng yaxshi maydonlardan biri shu. Ancha muncha stadiondan yaxshi.

- Terma jamoa atrofidagi yangiliklar futbolchilar va sizni etiboringizni tortgan. Shuningdek, biroz ishtiyoq va motivaciya pasayishiga olib kelgandek tuyuldi...

- Ishtiyoq masalasida harakat qildik. Jismoniy jihatimiz ham yomon emas edi. Bugun o'yinda ko'p xatolar qildik. Aytganimdek, yarim jamoa jarohat tiklanish bilan band, qolgan yarmini esa kelishini kutdik. Menimcha, yigitlarning holati yaxshi. Chempionatimiz davom etmoqda. Avvalroq aytganimdek, MTJ atrofidagi vaziyat barchani chalg'itmoqda. Biz ushbu gap so'zlarga etibor bermay tayyorgarlik ko'rishga harakat qildik. Keyrush O'monga yaqinda keldi va yaxshi tayyorgarlik ko'rdi.